مەملەكەت باسشىسى قارجىلىق مونيتورينگ اگەنتتٸگٸنٸڭ تٶراعاسى جانات ەليمانوۆتى قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
پرەزيدەنتكە اگەنتتٸكتٸڭ "كٶلەڭكەلٸ" ەكونوميكاعا قارسى ٸس-قيمىل بويىنشا اتقارعان جۇمىستارىنىڭ قورىتىندىلارى تۋرالى مەلٸمەت بەرٸلدٸ.
"قاسىم-جومارت توقاەۆقا بيىلعى 8 ايدا 1508 ەكونوميكالىق قۇقىق بۇزۋشىلىق انىقتالعانى, ونىڭ 803-ٸ اۋىر جەنە اسا اۋىر قىلمىستار ساناتىنا جاتاتىنى جٶنٸندە باياندالدى. 36 ۇيىمداسقان قىلمىستىق توپتىڭ ەرەكەتتەرٸنە توسقاۋىل قويىلعان. الكوگول ٶنٸمدەرٸن شىعاراتىن 26 جاسىرىن تسەح پەن 224 زاڭسىز ويىنحانا جابىلعان.
اگەنتتٸك تٶراعاسىنىڭ ايتۋىنشا, سوڭعى 4 جىلدا "كٶلەڭكەلٸ" ەكونوميكا 29 پايىزدان 20 پايىزعا دەيٸن تٶمەندەگەن", - دەلٸنگەن حابارلامادا.
مەملەكەت باسشىسىنىڭ تاپسىرماسى بويىنشا ٷكٸمەت كٶلەڭكەلٸ ەكونوميكاعا قارسى ٸس-قيمىلدىڭ الداعى 3 جىلعا ارنالعان كەشەندٸ جوسپارىن بەكٸتتٸ.
جانات ەليمانوۆ ەلەۋمەتتٸك ماڭىزى بار باعىتتار بويىنشا دا جۇمىستار جالعاسىپ جاتقانىن ايتتى. اتاپ ايتقاندا, ازىق-تٷلٸك باعالارىنىڭ كٶتەرٸلمەۋٸن قامتاماسىز ەتۋگە تيٸس تۇراقتاندىرۋ قورلارىن قۇرۋ ٷشٸن بٶلٸنگەن بيۋدجەت قاراجاتىن جىمقىرۋدىڭ 5 دەرەگٸ انىقتالعان. تاراز قالاسىندا جىلۋ, قىزىلوردا قالاسىندا گاز تاسىمالى تاريفتەرٸنٸڭ نەگٸزسٸز كٶتەرٸلۋٸنە جول بەرٸلمەدٸ. بالالارعا ارنالعان مامانداندىرىلعان جەنە مەديتسينالىق-ەلەۋمەتتٸك مەكەمەلەردٸڭ لاۋازىمدى تۇلعالارىنا قاتىستى 36 سوتقا دەيٸنگٸ تەرگەپ-تەكسەرۋ ٸسٸ باستالدى. ولار 376 ميلليون تەڭگە كٶلەمٸندە زالال كەلتٸرگەن.
كەزدەسۋ قورىتىندىسى بويىنشا مەملەكەت باسشىسى بٸرقاتار ناقتى تاپسىرما بەردٸ.
