قازاقستان رەسپۋبليكاسىنىڭ پرەزيدەنتٸ – قارۋلى كٷشتەردٸڭ جوعارعى باس قولباسشىسى قاسىم-جومارت توقاەۆتىڭ تٶراعالىعىمەن قورعانىس مينيسترلٸگٸندە ارمييانى ودان ەرٸ دامىتۋ مەسەلەلەرٸ جٶنٸندە كەڭەس ٶتتٸ. بۇل تۋرالى اقوردانىڭ رەسمي سايتى حابارلادى.
قاسىم-جومارت توقاەۆ قورعانىس ۆەدومستۆوسىنىڭ باسشىلىعىنا ەسكەري قاۋٸپسٸزدٸكتٸڭ قازٸرگٸ جاعدايىن ەسكەرە وتىرىپ, قارۋلى كٷشتەردٸڭ قۇرىلىمى مەن قۇرامىن جاڭعىرتۋ جٶنٸندە تاپسىرما بەردٸ. سونىمەن قاتار زاماناۋي تسيفرلىق تەسٸلدەر ارقىلى ەسكەري باسقارۋ جٷيەسٸن جەتٸلدٸرۋ قاجەت ەكەنٸنە نازار اۋداردى.
جيىندا قازاقستان ەسكەرٸن زاماناۋي ەرٸ جوعارى تەحنولوگييالى قارۋ تٷرلەرٸمەن, ەسكەري تەحنيكامەن قايتا جابدىقتاۋ مەسەلەلەرٸ تالقىلاندى. قورعانىس مينيسترلٸگٸنە ەسكەري كٷشتەردٸ پايدالانۋدىڭ جاڭا ەدٸستەرٸن ەنگٸزۋ ارقىلى جاۋىنگەرلٸك دايىندىق باعدارلاماسىن قايتا قاراۋ تاپسىرىلدى.
مەملەكەت باسشىسى ەسكەري قىزمەتشٸلەردٸڭ كەسٸبي دەڭگەيٸن ارتتىرۋ, مەريتوكراتييا قاعيداتى نەگٸزٸندە مانساپتى ٶسٸرۋ ماقساتىمەن ەسكەري بٸلٸم بەرۋ جەنە كادرلىق ساياسات جٷيەسٸن دامىتۋ مەسەلەلەرٸنە باسا مەن بەردٸ. پرەزيدەنت ەسكەري قىزمەتشٸلەر مەن ەسكەري قىزمەتتٸڭ ەلەۋمەتتٸك مەرتەبەسٸن ارتتىرۋ جەنە جاستاردى ەسكەري بورىشىن ٶتەۋگە ىنتالاندىرۋ قاجەتتٸگٸ تۋرالى ايتتى.
جيىن سوڭىندا جوعارعى باس قولباسشى مەملەكەتتٸڭ مٷددەسٸن جەنە ەربٸر ازاماتتىڭ قاۋٸپسٸزدٸگٸن قورعاۋ قارۋلى كٷشتەردٸڭ مٸندەتٸ ەكەنٸن اتاپ ٶتتٸ.
