مەملەكەت باسشىسى قاسىم-جومارت توقاەۆ "قالاۋلىم", "قالاۋىم سەن" اتتى باعدارلامالارعا قاتىستى تاپسىرما بەردٸ. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
بەرٸك ۋەلي سوڭعى كەزدەرٸ رەسپۋبليكالىق ارنالاردان شىعىپ جاتقان "قالاۋلىم", "قالاۋىم سەن" باعدارلامالارىنا قوعام تاراپىنان قارسىلىق كٶبەيٸپ كەتكەنٸن اتاپ ٶتتٸ. ونىڭ پٸكٸرٸنشە, وعان بۇل باعدارلامالاردىڭ حالقىمىزدىڭ مەنتاليتەتٸنە, سالت-دەستٷرٸنە, ۇلتتىق بولمىسىنا قايشى كەلۋٸ سەبەپ بولىپ وتىر.
"ازاماتتار ەلەۋمەتتٸك جەلٸلەردە قول جيناپ, باعدارلامالاردىڭ جابىلۋىن تالاپ ەتٸپ, باق بەتتەرٸندە تٷرلٸ سىني ماقالالار جارييالانىپ جاتىر", - دەيدٸ ول.
بەرٸك ۋەلي مەملەكەت باسشىسى اتالعان باعدارلامالارعا قاتىستى قوعامنىڭ ۇستانىمىن بٸلەتٸنٸن ايتتى. سوعان سەيكەس تاپسىرما بەرٸلگەن.
"حالىقتىڭ پٸكٸرٸ ەسكەرٸلٸپ, ارنالاردىڭ دا ساياساتىنا نۇقسان كەلتٸرٸلمەي تيٸستٸ شەشٸم شىعارىلادى", - دەپ تٷيٸندەدٸ پرەزيدەنتتٸڭ باسپاسٶز حاتشىسى.
