فوتو: اقوردانىڭ باسپاسٶز قىزمەتٸ
مەملەكەت باسشىسىنىڭ يتاليياعا رەسمي ساپارى پرەزيدەنت سەردجو ماتتارەللامەن كەزدەسۋدەن باستالدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
ەكٸ ەل باسشىلارىنىڭ كەلٸسسٶزٸنە دەيٸن كۆيرينالە سارايىندا قازاقستان پرەزيدەنتٸن سالتاناتتى قارسى الۋ رەسٸمٸ ٶتتٸ. قاسىم-جومارت توقاەۆتىڭ قۇرمەتٸنە قازاقستان تۋى كٶتەرٸلٸپ, قوس مەملەكەتتٸڭ ەنۇراندارى شىرقالدى. قۇرمەت قاراۋىلى باستىعىنىڭ راپورتىنان كەيٸن پرەزيدەنتتەر بٸر-بٸرٸنە رەسمي دەلەگاتسييا ٶكٸلدەرٸن تانىستىردى.
قاسىم-جومارت توقاەۆ ٶز سٶزٸندە بۇل قازاقستان پرەزيدەنتٸ رەتٸندە يتاليياعا جاساعان العاشقى ساپارى ەكەنٸن اتاپ ٶتٸپ, قوناقجايلىق كٶرسەتكەنٸ ٷشٸن سەردجو ماتتارەللاعا العىس ايتتى. مەملەكەت باسشىسى ەلٸمٸزدٸڭ ەۋروپا وداعىنداعى سەنٸمدٸ سەرٸكتەستەرٸنٸڭ بٸرٸ – يتالييا رەسپۋبليكاسىمەن قارىم-قاتىناسى ۇزاق ۋاقىتتان بەرٸ ٶزارا تيٸمدٸ سيپاتتا دامىپ كەلە جاتقانىن جەتكٸزدٸ.
– مەن بٷگٸن ٶزارا مٷددەنٸ كٶزدەيتٸن مەسەلەلەردٸ, اتاپ ايتقاندا, ەكونوميكالىق بايلانىستاردى دامىتۋ جەنە ەكٸ ەلدٸ ٶركەندەتۋگە باعىتتالعان قاتىناستاردى نىعايتۋ, سونداي-اق حالىقارالىق ٶزەكتٸ مەسەلەلەردٸ شەشۋ جولدارىن تالقىلاعىم كەلەدٸ, – دەدٸ پرەزيدەنت.
قاسىم-جومارت توقاەۆتىڭ ايتۋىنشا, يتالييا قازاقستاننىڭ ەۋروپاداعى نەگٸزگٸ ساۋدا سەرٸكتەستەرٸنٸڭ بٸرٸ.
– ٶزارا ساۋدا-ساتتىق كٶلەمٸ 14,5 ميلليارد دوللاردان استى. تاياۋ جىلدارى ەلدەرٸمٸز اراسىنداعى تاۋار اينالىمى 20 ميلليارد دوللارعا جەتەدٸ دەپ سەنەمٸز. يتالييا – قازاقستان ەكونوميكاسىنا قارجى سالعان باستى ينۆەستورلاردىڭ بٸرٸ. بٸزدٸڭ نارىقتا 300-گە جۋىق يتالييالىق كومپانييا جۇمىس ٸستەيدٸ, سونىڭ ٸشٸندە ENI كەسٸپورنى دا بار. ENI – كٶشباسشى كومپانييا. بٸز ەكٸجاقتى قاتىناستارداعى جەتٸستٸكتەردٸ جوعارى باعالايمىز. بٸز ولاردىڭ جۇمىس ٸستەۋٸ ٷشٸن قولايلى جاعداي جاساۋدى ودان ەرٸ جالعاستىرا بەرەمٸز. دەگەنمەن ەكونوميكا باعىتىنا عانا ەمەس, مەدەنيەت, تۋريزم سيياقتى باسقا دا كٶپتەگەن سالاداعى ىنتىماقتاستىقتى دامىتۋعا تىڭ سەرپٸن بەرۋ قاجەت. قازاقستان مەن يتالييا اراسىنداعى ىنتىماقتاستىق ٶتە تابىستى بولاتىنىنا سەنٸمدٸمٸن, – دەدٸ پرەزيدەنت.
سونىمەن قاتار قاسىم-جومارت توقاەۆ شەتەلدٸك ينۆەستورلار ٷشٸن ەل ەكونوميكاسىنىڭ اناعۇرلىم تارتىمدى جەنە پەرسپەكتيۆتٸ سالالارى, ونىڭ ٸشٸندە «جاسىل» ەنەرگەتيكا تۋرالى ەگجەي-تەگجەيلٸ مەلٸمەت بەردٸ.
مەملەكەتتەر باسشىلارى قازاقستان مەن يتالييانىڭ ەلەمدٸك ارەناداعى, ونىڭ ٸشٸندە بۇۇ مەن ەقىۇ اياسىنداعى ٶزارا ٸس-قيمىل مەسەلەلەرٸنە ارنايى توقتالدى.
ەكٸ ەل پرەزيدەنتتەرٸ بۇۇ جارعىسىنىڭ قاعيداتتارىن قۇرمەتتەۋ نەگٸزٸندە حالىقارالىق قاتىناستار مەن جاھاندىق قاۋٸپسٸزدٸك جٷيەسٸن نىعايتۋدىڭ ماڭىزدى ەكەنٸن اتاپ ٶتتٸ.
سونىمەن قاتار تاراپتار قازاقستان مەن ورتالىق ازييانىڭ ەۋروپا وداعىمەن اراداعى ىنتىماقتاستىعىن دامىتۋ پەرسپەكتيۆالارىن تالقىلاپ, كٶلٸك جەنە لوگيستيكا سالاسىنداعى ٶزارا تيٸمدٸ ىقپالداستىقتىڭ, اتاپ ايتقاندا, ترانسكاسپيي حالىقارالىق كٶلٸك باعىتىن ٶركەندەتۋدٸڭ كەلەشەگٸ زور ەكەنٸن ەرەكشە اتاپ ٶتتٸ.
مەملەكەت باسشىسى ورايلى سەتتٸ پايدالانا وتىرىپ, پرەزيدەنت ماتتارەللانى يتالييانىڭ «ٷلكەن جەتٸلٸككە» تٶراعالىق قىزمەتٸنە كٸرٸسۋٸمەن قۇتتىقتاپ, G7-نٸڭ كٷن تەرتٸبٸن جٷزەگە اسىرۋ ٸسٸندە تابىس تٸلەدٸ.
ٶز كەزەگٸندە, سەردجو ماتتارەللا يتالييا قازاقستاندا جٷرگٸزٸلٸپ جاتقان ساياسي جەنە قوعامدىق رەفورمالارعا ٷلكەن قىزىعۋشىلىق تانىتىپ وتىرعانىن اتاپ ٶتٸپ, ريمگە ساپارمەن كەلگەنٸ ٷشٸن قازاقستان پرەزيدەنتٸنە العىس ايتتى. سونداي-اق بٷگٸنگٸ كەلٸسسٶزدەردٸڭ نەتيجەسٸ ەكٸجاقتى ەكونوميكالىق, ساياسي جەنە مەدەني-گۋمانيتارلىق بايلانىستارعا تىڭ سەرپٸن بەرەدٸ دەپ سەنٸم بٸلدٸردٸ.
دوستىق رەۋٸشتە ٶتكەن كەزدەسۋ سوڭىندا قاسىم-جومارت توقاەۆ سەردجو ماتتارەللانى قازاقستانعا ساپارمەن كەلۋگە شاقىردى. يتالييا پرەزيدەنتٸ مەملەكەت باسشىسىنىڭ شاقىرۋىن ريزاشىلىقپەن قابىل الدى. مۇنان سوڭ كەلٸسسٶز داستارقان باسىندا جالعاستى.
