ٸرٸ كومپانييالار جول سالۋ تەندەرلەرٸن ۇتىپ الىپ, جۇمىستى مەردٸگەرگە ىسىرا سالادى. بۇل تۋرالى ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
"تاعى بٸر ماڭىزدى مەسەلە – مەملەكەتتٸك ساتىپ الۋ كونكۋرسىن ٶتكٸزۋ. 2019 جىلدان بەرٸ اۆتوجول سالاسىندا قۇنى 1,5 تريلليون تەڭگە بولاتىن مەملەكەتتٸك كەلٸسٸم-شارتتار جاسالدى. سونىڭ 40 پايىزىن شەتەلدٸكتەردٸڭ قاتىسى بار كومپانييالار ۇتىپ العان. بٸز شەتەلدٸك سەرٸكتەستەرٸمٸزگە قولداۋ كٶرسەتەمٸز. ولار ٷشٸن نارىق ەردايىم اشىق بولادى. بٸراق وتاندىق كومپانييالارىمىز بەلسەنە قاتىسپايدى" - دەدٸ پرەزيدەنت.
مەملەكەت باسشىسىنىڭ ايتۋىنشا, ٷكٸمەت جەرگٸلٸكتٸ كەسٸپورىندار ٷشٸن بەسەكەلٸ ورتا قالىپتاستىرۋى كەرەك.
"كەيبٸر ٸرٸ كومپانييالاردىڭ ەڭبەك جەنە ماتەريالدىق رەسۋرستارى جەتكٸلٸكسٸز. سوعان قاراماستان, ولار تەندەردٸ ۇتىپ الىپ, جۇمىستى مەردٸگەرگە ىسىرا سالادى. وسىنداي احۋال جىلدا قايتالانادى. تٸپتٸ, جۇمىستىڭ 100 پايىزى باسقا مەردٸگەرگە تاپسىرىلعانى جٶنٸندە مەلٸمەتتەر بار. مىسالى, قاراعاندى-بالقاش اۆتوجولىن (363 شاقىرىم) جٶندەۋ جۇمىستارى 2019 جىلدان بەرٸ جالعاسىپ كەلەدٸ. بۇل جوبانىڭ جالپى قۇنى – 248 ميلليارد تەڭگە. باس مەردٸگەرٸ وسى جۇمىستى باسقا كومپانيياعا تاپسىردى. ال, بۇل كومپانييا بارلىق جۇمىستى قوسالقى مەردٸگەرگە ىسىرا سالعان. تٸپتٸ, 22 پايىز كٶلەمٸندەگٸ ٷستەمە اقىسىن دا ۇستاپ قالعان" - دەدٸ توقاەۆ.
