قاسىم-جومارت توقاەۆ تەگەرانعا رەسمي ساپارى بارىسىندا يران يسلام رەسپۋبليكاسىنىڭ پرەزيدەنتٸ يبراحيم رايسيمەن شاعىن قۇرامدا كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەلٸسسٶزگە دەيٸن «سااداباد» كەشەنٸندە مەملەكەت باسشىسىن سالتاناتتى تٷردە رەسمي قارسى الۋ رەسٸمٸ ٶتتٸ. قۇرمەت قاراۋىلىنىڭ باستىعى ەكٸ ەل باسشىلارىنا راپورت بەرٸپ, قازاقستان مەن يراننىڭ ەنۇراندارى شىرقالعاننان كەيٸن قاسىم-جومارت توقاەۆ پەن يبراحيم رايسي «دجۋمحۋرييا» سارايىنا كەلٸپ, بٸر-بٸرٸنە رەسمي دەلەگاتسييالاردىڭ قۇرامىن تانىستىردى.
سالتاناتتى رەسٸمنەن كەيٸن شاعىن قۇرامدا كەزدەسۋ ٶتتٸ. قاسىم-جومارت توقاەۆ رەسمي ساپارمەن كەلۋگە شاقىرعانى ٷشٸن يبراحيم رايسيگە ريزاشىلىعىن بٸلدٸردٸ.
– ەڭ الدىمەن, بٸزدٸ ىستىق ىقىلاسپەن قارسى العاندارىڭىز ٷشٸن العىس ايتامىن. سٸزدٸڭ شاقىرۋىڭىزدى زور ريزاشىلىقپەن قابىلدادىم. پرەزيدەنت رەتٸندە يران ەلٸنە العاش رەت كەلٸپ وتىرمىن. مەن ٷشٸن بۇل ساپاردىڭ ماڭىزى ەرەكشە. بٷگٸنگٸ كەلٸسسٶزدەرٸمٸز ەكٸ ەلدٸڭ ىنتىماقتاستىعىن دامىتۋعا تىڭ سەرپٸن بەرەدٸ دەپ سەنەمٸن. قازاقتا «كٶرشٸ اقىسى – تەڭٸر حاقىسى» دەگەن سٶز بار. بٸز – كٶرشٸمەن ەرقاشان تاتۋ بولعان ەلمٸز. يران – كاسپيي جاعاسىنداعى جاقىن كٶرشٸمٸز, سەنٸمدٸ سەرٸكتەسٸمٸز, – دەدٸ قازاقستان پرەزيدەنتٸ.
مەملەكەت باسشىسى ەلدەرٸمٸز اراسىندا ديپلوماتييالىق قاتىناس ورناعانىنا بيىل 30 جىل تولعانىن اتاپ ٶتتٸ. پرەزيدەنتتٸڭ ايتۋىنشا, وسى كەزەڭ ٸشٸندە ىنتىماعىمىز ارتىپ, دوستىعىمىز نىعايا تٷستٸ.
– جان-جاقتى بايلانىسىمىز قارقىندى دامىپ كەلە جاتىر. بۇعان ٶزارا سەنٸمگە نەگٸزدەلگەن ساياسي ديالوگتىڭ ارقاسىندا قول جەتكٸزٸپ وتىرمىز. بٸزدٸڭ ٷكٸمەتارالىق, پارلامەنتارالىق جەنە ٸسكەرلٸك كەڭەستەرٸمٸز بار. ساۋدا-ەكونوميكالىق ىنتىماقتاستىعىمىز كەدەرگٸلەرگە قاراماستان, جىلدان-جىلعا ارتىپ كەلەدٸ. بيىلعى بٸرٸنشٸ توقساندا ساۋدا-ساتتىق 50 پايىزعا ارتتى. ەندٸگٸ ماقسات – وسى قارقىندى توقتاتپاي, بارىنشا كٶبەيتۋ. وعان بٸزدٸڭ ەلەۋەتٸمٸز جەتەدٸ. مەن سٸزدٸڭ ٶزارا سەرٸكتەستٸكتٸ دامىتۋعا قوسقان ٷلەسٸڭٸزدٸ جوعارى باعالايمىن. قارىم-قاتىناسىمىزدى دامىتۋعا بار كٷش-جٸگەرٸمدٸ جۇمساۋعا ەزٸرمٸن, – دەدٸ مەملەكەت باسشىسى.
قاسىم-جومارت توقاەۆ وسى ساپارىنىڭ اياسىندا ماڭىزدى شەشٸمٸن جارييالاۋعا ۇيعارىم جاساعانىن ايتتى.
– بٸز يران ازاماتتارىنىڭ قازاقستاندا 14 كٷن ۆيزاسىز جٷرٸپ-تۇرۋىنا رۇقسات بەرەمٸز. بۇل تٷرلٸ سالاداعى ىنتىماقتاستىقتى نىعايتۋعا سەپتٸگٸن تيگٸزەدٸ. سونداي-اق, ٸسكەر توپ ٶكٸلدەرٸنٸڭ بايلانىسىن جانداندىرادى. بارىس-كەلٸسكە تىڭ سەرپٸن بەرٸپ, تۋريستەردٸڭ كٶپتەپ كەلۋٸنە ىقپال ەتەدٸ. يران كەسٸپكەرلەرٸ وسى جەڭٸلدٸكتٸ كەڭٸنەن قولداناتىنىنا سەنٸمدٸمٸن, – دەدٸ قازاقستان پرەزيدەنتٸ.
يران يسلام رەسپۋبليكاسىنىڭ پرەزيدەنتٸ يبراحيم رايسي قاسىم-جومارت توقاەۆقا ٸلتيپات كٶرسەتٸپ, شاقىرۋىن قابىل العانى ٷشٸن العىس ايتتى.
– بٸز العاش رەت دۋشانبە سامميتٸندە كەزدەسكەن ەدٸك. سٸزبەن ەكٸنشٸ رەت تەگەراندا جٷزدەسٸپ وتىرعانىما قۋانىشتىمىن. سٸزدٸڭ پرەزيدەنت رەتٸندە كەلگەن بۇل ساپارىڭىز ەكٸجاقتى قارىم-قاتىناستارىمىزدىڭ دامۋىنا تىڭ سەرپٸن بەرەتٸن ۇلى بەتبۇرىس بولارىنا سەنٸمدٸمٸن, – دەدٸ يران پرەزيدەنتٸ.
