فوتو: Akorda.kz
پرەزيدەنتتٸڭ الماتى قالاسىنا جۇمىس ساپارى Footlab فۋتبول ورتالىعىنىڭ قىزمەتٸمەن تانىسۋدان باستالدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا جاڭا ورتالىقتىڭ پيلوتتىق رەجيمدە جۇمىس ٸستەي باستاعانى تۋرالى مەلٸمەت بەرٸلدٸ. مۇندا قازٸر جوعارى بٸلٸكتٸ 8 باپكەر 50 بالانى جاتتىقتىرىپ جاتىر. «Smart Football» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ قۇرىلتايشىسى مۇرات مەدەۋوۆتٸڭ ايتۋىنشا, فۋتبول اكادەميياسىندا 5 جاستان 12 جاسقا دەيٸنگٸ 1000-عا جۋىق بالانى جاتتىقتىرۋ جوسپارلانعان.
Footlab – سپورتسٷيەر قاۋىمعا, وتباسىلىق دەمالىسقا, بالالار مەن ەرەسەكتەر اراسىندا تۋرنيرلەر ٶتكٸزۋگە ارنالعان ينتەراكتيۆتٸ فۋتبول الاڭى.
الماتىداعى Footlab ورتالىعى پورتۋگالييانىڭ فرانشيزاسىن العان. ونىڭ باس كەڭسەسٸ ليسسابوندا ورنالاسقان. اتالعان جوبانى تانىمال پورتۋگال فۋتبولشىلارى رۋي كوشتا مەن كريشتيانۋ رونالدۋ 7EGEND يننوۆاتسييالىق كومپانيياسىمەن بٸرلەسٸپ جاساعان. بٷگٸندە Footlab فرانشيزاسى ەلەمنٸڭ 60-تان استام ەلٸنە ساتىلعان. بۇل ورتالىق ليسسابون مەن دۋبايدان كەيٸن ٷشٸنشٸ بولىپ, الماتىدا اشىلدى. جوباعا 1,5 ميلليارد تەڭگەدەن استام جەكە ينۆەستيتسييا سالىنعان.
ورتالىقتىڭ بيىل 50 مىڭنان استام ادام قابىلداۋ, سونداي-اق سپورت پەن سالاۋاتتى ٶمٸر سالتىن ناسيحاتتاۋ ٷشٸن الماتى قالاسىنىڭ وقۋشىلارى اراسىندا تۋرنير ٶتكٸزۋ جوسپارى بار. ينۆەستورلار ەلٸمٸزدٸڭ بارلىق ٶڭٸرٸندە وسىنداي ورتالىقتار جەلٸسٸن اشۋدى كٶزدەپ وتىر.
پرەزيدەنت بالالارعا ارنالعان سپورت جوباسىن دامىتۋ ٷشٸن جاۋاپتى ورگاندارعا جەر تەلٸمٸن بٶلۋ مەسەلەسٸندە جەردەم كٶرسەتۋدٸ تاپسىردى جەنە استانادا وسىنداي فۋتبول ورتالىعىن سالۋ تۋرالى باستامانى قولدادى.
قاسىم-جومارت توقاەۆ جاس فۋتبولشىلارعا تابىس تٸلەپ, سپورت جەيدەسٸنە قولتاڭباسىن قالدىردى.
