فوتو: Akorda.kz
قاسىم-جومارت توقاەۆ فينلياندييانىڭ سىرتقى ساۋدا جەنە حالىقارالىق دامۋدى قولداۋ مينيسترٸ, ساۋدا-ەكونوميكالىق ىنتىماقتاستىق جٶنٸندەگٸ قازاق-فين ٷكٸمەتارالىق كوميسسيياسىنىڭ تەڭ تٶراعاسى ۆيللە سكينناريدٸ قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
مەملەكەت باسشىسى مينيسترگە ٸلتيپات بٸلدٸرە وتىرىپ, فين دەلەگاتسيياسىنىڭ ساپارى ەكٸجاقتى ىنتىماقتاستىققا تىڭ سەرپٸن بەرۋ تۇرعىسىنان ماڭىزدى ەكەنٸن اتاپ ٶتتٸ.
پرەزيدەنتتٸڭ ايتۋىنشا, ديپلوماتييالىق قارىم-قاتىناس ورناعان 30 جىلدا فينلياندييا سولتٷستٸك ەۋروپا مەملەكەتتەرٸ اراسىندا ەكونوميكامىزعا ەڭ كٶپ ينۆەستيتسييا قۇيعان ەكٸنشٸ ەلگە اينالدى. سونىمەن قاتار فينلياندييانىڭ ورتالىق ازييا ەلدەرٸمەن ساۋدا اينالىمىنىڭ 90 پايىزى قازاقستانعا تيەسٸلٸ.
قاسىم-جومارت توقاەۆ ەكٸ مەملەكەتتٸڭ ساۋدا-ەكونوميكالىق, كٶلٸك-لوگيستيكا جەنە بٸلٸم بەرۋ سالالارىنداعى سەرٸكتەستٸگٸن نىعايتۋ ماڭىزدى ەكەنٸن اتاپ ٶتتٸ. مەملەكەت باسشىسى فين كەسٸپكەرلەرٸنٸڭ قازاقستانعا قۇياتىن ينۆەستيتسيياسىن ۇلعايتا تٷسۋ ٷشٸن جان-جاقتى قولداۋ كٶرسەتۋگە دايىن ەكەنٸن جەتكٸزدٸ.
ٶز كەزەگٸندە ۆيللە سكينناري قۇرمەتپەن قابىلداعانى ٷشٸن قاسىم-جومارت توقاەۆقا العىس ايتىپ, ەكٸ ەل اراسىنداعى ىنتىماقتاستىقتى كەڭەيتۋگە ەلەۋەت مول ەكەنٸن مەلٸمدەدٸ.
مينيستر قازاقستانعا ساپارمەن كەلگەن دەلەگاتسييا قۇرامىندا Nurminen Logistics Plc, Nokia, EastCham Finland, Business Finland, Lamor, Wärtsilä Finland, PayIQ, EPSE سەكٸلدٸ 15 ٸرٸ فين كومپانيياسىنىڭ ٶكٸلدەرٸ بار ەكەنٸن جەتكٸزدٸ. الداعى كەزدەسۋلەر بارىسىندا ساۋدا-ەكونوميكالىق بايلانىستاردى نىعايتۋ مەسەلەلەرٸ تالقىلانادى.
بۇدان بٶلەك, فين تاراپى استاناداعى فينلياندييا ەلشٸلٸگٸ جانىنان ورتالىق ازييا ەلدەرٸنٸڭ ازاماتتارىنا قىزمەت كٶرسەتەتٸن ۆيزا حابىن اشادى.
ەڭگٸمەلەسۋ بارىسىندا حالىقارالىق جەنە ايماقتىق كٷن تەرتٸبٸندەگٸ ٶزەكتٸ مەسەلەلەر دە تالقىلاندى.
قاسىم-جومارت توقاەۆ فينلياندييا پرەزيدەنتٸ ساۋلي نيينيستيوگە ٸزگٸ تٸلەگٸن جولداپ, قازاقستانعا رەسمي ساپارمەن كەلۋگە شاقىردى.
