فوتو: Akorda.kz
قاسىم-جومارت توقاەۆ انكاراعا جۇمىس ساپارى بارىسىندا تٷركييا پرەزيدەنتٸ رەجەپ تاييپ ەردوعانمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى قوناقجايلىق كٶرسەتٸپ, قۇرمەتپەن قارسى العانى ٷشٸن رەجەپ تاييپ ەردوعانعا ريزاشىلىعىن بٸلدٸردٸ.
قازاقستان پرەزيدەنتٸ ەڭ الدىمەن جويقىن جەر سٸلكٸنٸسٸنەن زارداپ شەككەن تٷركييا حالقىنا كٶڭٸل ايتتى.
– مارقۇمداردىڭ تۋعان-تۋىستارىنا, ٶزٸڭٸزگە جەنە بٷكٸل تٷركييا حالقىنا تاعى دا كٶڭٸل ايتامىن. تٷركييا – ەرقاشان قيىندىققا قارسى تۇرا بٸلگەن مەملەكەت. سٸزدەر مول تەجٸريبە مەن ەل بٸرلٸگٸنٸڭ ارقاسىندا بۇل قيىندىقتى ەڭسەرٸپ شىعاسىزدار دەپ سەنەمٸن, – دەدٸ قاسىم-جومارت توقاەۆ.
پرەزيدەنت قاۋٸپ-قاتەرگە قاشان دا دايىن بولۋ كەرەك ەكەنٸن اتاپ ٶتٸپ, تٶتەنشە جاعدايلار سالاسىنداعى ىنتىماقتاستىقتى دامىتۋدىڭ ماڭىزدىلىعىنا توقتالدى. وسى ورايدا «اپات جەنە تٶتەنشە جاعدايلار مەنەدجمەنتٸ, گۋمانيتارلىق كٶمەك» تاقىرىبىندا ٶتٸپ جاتقان سامميتتٸ ٶتە قاجەتتٸ ٸس-شارا دەپ ەسەپتەيتٸنٸن جەتكٸزدٸ.
– تابيعي اپات كەزٸندە مەملەكەتتەردٸڭ بٸر-بٸرٸنە كٶمەك كٶرسەتۋٸ اسا ماڭىزدى. بۇعان وسى جولى تاعى دا كٶزٸمٸز جەتتٸ. باۋىرلاس ەل قيىندىققا تاپ بولعاندا تٷركٸ جۇرتى اۋىزبٸرشٸلٸك پەن جاناشىرلىقتىڭ وزىق ٷلگٸسٸن كٶرسەتتٸ. قازاقستان دا تٷرٸك باۋىرلارعا بٸردەن قول ۇشىن سوزدى, – دەدٸ مەملەكەت باسشىسى.
سونىمەن قاتار پرەزيدەنت تٷركييا قازاقستاننىڭ باستى ساۋدا سەرٸكتەستەرٸنٸڭ بٸرٸ ەكەنٸن ايتتى.
– تٷركييا قازاقستاننىڭ باستى بەس ساۋدا سەرٸكتەسٸنٸڭ قاتارىنا كٸرەدٸ. بىلتىر ەكٸ ەل اراسىنداعى ساۋدا اينالىمى 33 پايىزعا ٶسٸپ, 6,3 ميلليارد دوللارعا جەتتٸ. بۇل – جٷيەلٸ جۇمىستىڭ نەتيجەسٸ. قازاقستاننىڭ تاۋارلارىن تٷركييا نارىعىنا كٶپتەپ شىعارۋعا مٷمكٸندٸك بار, - دەدٸ مەملەكەت باسشىسى.
قاسىم-جومارت توقاەۆ تٷرٸك ينۆەستورلارىنىڭ قازاقستانداعى جوبالارىن قولداۋعا دايىن ەكەنٸن جەتكٸزدٸ. سونداي-اق كەزدەسۋ بارىسىندا «ورتا دەلٸز» دەپ اتالاتىن ترانسكاسپيي حالىقارالىق كٶلٸك باعىتى اسا ماڭىزدى رٶل اتقاراتىنى سٶز بولدى. قازاقستان تاراپى ەلەۋەتٸ مول وسى كٶلٸك-لوگيستيكالىق باعداردى دامىتۋ ٷشٸن ورتاق ينفراقۇرىلىمدىق جوبالاردى جٷزەگە اسىرۋعا دايىن ەكەنٸن مەلٸمدەدٸ.
ٶز كەزەگٸندە رەجەپ تاييپ ەردوعان شاقىرۋىن قابىل الىپ, انكاراعا كەلگەنٸ ٷشٸن قاسىم-جومارت توقاەۆقا العىس ايتتى.
– تٷركيياعا كەلگەنٸڭٸزگە قۋانىشتىمىن. الاپات جەر سٸلكٸنٸسٸنەن 49 مىڭ ادام قازا تاپتى. وسىنداي قيىن سەتتە العاشقى بولىپ تەلەفون شالعان ەلەمدٸك كٶشباسشىلاردىڭ بٸرٸ ٶزٸڭٸز بولدىڭىز. قازاقستانىڭ قۇتقارۋشىلارى زارداپ شەككەن ازاماتتارىمىزدى قۇتقارۋعا اتسالىستى. بٸز شىنايى باۋىرمالدىقتى سەزٸندٸك, – دەدٸ تٷركييا پرەزيدەنتٸ.
سونداي-اق رەجەپ تاييپ ەردوعان كەيٸنگٸ جىلدارداعى ەكٸجاقتى ساپارلار نەتيجەسٸندە بارلىق سالادا ٶسٸم بار ەكەنٸن, جىل سوڭىنا دەيٸن تاۋار اينالىمىن 10 ميلليارد دوللارعا دەيٸن جەتكٸزۋ قاجەتتٸگٸن ايتتى. تٷركييا باسشىسى كٶلٸك سالاسىندا ورتا دەلٸز ەلەۋەتٸن تولىق پايدالانۋ كەرەكتٸگٸن دە اتاپ ٶتتٸ.
سونىمەن قاتار كەزدەسۋدە ەكٸ ەل اراسىنداعى ساۋدا, ەكونوميكا, ينۆەستيتسييا, كٶلٸك-لوگيستيكا, ەنەرگەتيكا سالالارىنداعى ىنتىماقتاستىقتى نىعايتۋعا باسا مەن بەرٸلدٸ. پرەزيدەنتتەر حالىقارالىق كٷن تەرتٸبٸندەگٸ ٶزەكتٸ مەسەلەلەر جٶنٸندە دە پٸكٸر الماستى.
