پرەزيدەنت قاسىم-جومارت توقاەۆ ماڭعىستاۋ ٶڭٸرٸنٸڭ جۇرتشىلىعىمەن كەزدەسۋٸندە قازاقستانداعى تۇراقتىلىق پەن قاۋٸپسٸزدٸك تۋرالى ايتتى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«سوڭعى بٸرەر ايدا ەلٸمٸزدٸڭ مەملەكەتتٸك اقپاراتتىق جٷيەلەرٸنە كيبەرشابۋىل جاسالا باستادى. مۇنداي ەرەكەتتەر, ەسٸرەسە, قازٸرگٸ ناۋقان كەزٸندە كٶپ بولدى. بٸز بۇعان جول بەرمەيمٸز, جالعان اقپاراتتىڭ تاراتىلۋىنا تىيىم سالامىز.
بٸز قاستەرلٸ تەۋەلسٸزدٸگٸمٸزدٸ قورعاۋ ٷشٸن بەرٸنە دايىنبىز. مەن بۇعان دەيٸن «ۇلتتىق مٷددەنٸ اسپەن دە, تاسپەن دە قورعايمىز» دەگەن ەدٸم. بۇل قاعيداتىمىز ەشقاشان ٶزگەرمەيدٸ.
ەلدەگٸ تۇراقتىلىق پەن قاۋٸپسٸزدٸككە اينالامىزداعى گەوساياسي احۋالدان بٶلەك, ٶز ٸشٸمٸزدەگٸ احۋال دا ايرىقشا ەسەر ەتەدٸ. ەلگە ٸرٸتكٸ سالىپ, الاۋىزدىق تۋعىزاتىندار ٶز ٸشٸمٸزدە دە, سىرتتا دا بار. ەر نەرسەگە نەمقۇرايلى قاراپ, جايباراقات جٷرۋگە بولمايدى» - دەدٸ مەملەكەت باسشىسى.
