سەنات دەپۋتاتى داريعا نازارباەۆانىڭ ٶكٸلەتتٸگٸ توقتاتىلدى, دەپ حابارلادى اقوردانىڭ باسپاسٶز قىزمەتٸ.
"مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتٸ سەناتىنىڭ دەپۋتاتى داريعا نۇرسۇلتانقىزى نازارباەۆانىڭ ٶكٸلەتتٸگٸ توقتاتىلدى", - دەلٸنگەن حابارلامادا.
داريعا نازارباەۆا 2016 جىلدىڭ 13 قىركٷيەگٸنەن باستاپ پارلامەنت سەناتىنىڭ دەپۋتاتى بولدى. ٶتكەن جىلدىڭ 20 ناۋرىزىندا دەپۋتاتتار ونى جوعارى پالاتىنىڭ سپيكەرٸ ەتٸپ سايلاعان ەدٸ.
بۇعان دەيٸن, 2015 جىلدىڭ قىركٷيەك ايىنان باستاپ قازاقستان پرەمەر-مينيسترٸنٸڭ ورىنباسارى قىزمەتٸن اتقاردى.
2012-2015 جىلدارى مەجٸلٸس دەپۋتاتى, پارلامەنتتٸڭ تٶمەنگٸ پالاتاسىنىڭ ۆيتسە-سپيكەرٸ بولدى.
داريعا نازارباەۆا – قازاقستاننىڭ بۇرىنعى پرەزيدەنتٸ نۇرسۇلتان نازارباەۆتىڭ ٷلكەن قىزى. ول 1963 جىلدىڭ 7 مامىرىندا قاراعاندى وبلىسى تەمٸرتاۋ قالاسىندا تۋعان. تاريح عىلىمدارىنىڭ كانديداتى, ساياساتتانۋ عىلىمدارىنىڭ دوكتورى. قازاق, ورىس, اعىلشىن, يتاليان, نەمٸس تٸلدەرٸن بٸلەدٸ.
