مەملەكت باسشىسى قاسىم-جومارت توقاەۆ اۋعانستانداعى جاعداي بويىنشا كٷشتٸك قۇرىلىمداردىڭ باسشىلارىمەن جيىن ٶتكٸزدٸ. بۇل تۋرالى قازاقستان پرەزيدەنتٸ تۆيتتەر پاراقشاسىندا جازدى, دەپ حابارلايدى "ۇلت اقپارات".
«اۋعانستانداعى جاعداي بويىنشا كٷشتٸك قۇرىلىمداردىڭ باسشىلارىمەن جيىن ٶتكٸزدٸم. اير-داعى ازاماتتارىمىز بەن ديپلوماتتارىمىزدىڭ قاۋٸپسٸزدٸگٸن قامتاماسىز ەتۋ جٶنٸندە تاپسىرما بەردٸم. قازاقستان اۋعانستانداعى جاعدايدىڭ ۋشىعىپ بارا جاتقانىنا الاڭداۋشىلىق بٸلدٸرەدٸ. احۋال مۇقييات باقىلاۋدا. پرەزيدەنت ەكٸمشٸلٸگٸ مەن سىرتقى ٸستەر مينيسترلٸگٸنە اۋعانستانعا قاتىستى مەسەلەلەر بويىنشا مەملەكەتتٸك ورگانداردىڭ قىزمەتٸن ٷيلەستٸرۋ تاپسىرىلدى. كابۋلداعى قازاقستان ەلشٸلٸگٸ شاعىن قۇرامدا جۇمىس ٸستەۋدە. قىزمەتكەرلەردٸڭ قاۋٸپسٸزدٸگٸن قامتاماسىز ەتۋ شارالارى قابىلدانىپ جاتىر», - دەپ جازدى پرەزيدەنت.
ەسكە سالايىق, اۋعانستاندا ٷكٸمەتتٸك كٷشتەر مەن قازاقستاندا تىيىم سالىنعان "تاليبان" قوزعالىسىنىڭ سودىرلارى اراسىندا قاقتىعىس جٷرٸپ جاتىر. سوڭعى ايلاردا ولار ايتارلىقتاي كٶپ اۋماقتى يەمدەنٸپ, ٸرٸ قالالارعا شابۋىل جاسادى. ەسكالاتسييا اقش پەن ولاردىڭ ناتو-داعى وداقتاستارى اۋعانستاننان ەسكەرٸن شىعارعاننان كەيٸن باستالدى.
بۇعان دەيٸن شەتەلدٸك باق ٶكٸلدەرٸ تەلٸپتەر اۋعانستان اۋماعىنىڭ 90 پايىزىن باقىلاۋىنا العانىن حابارلاعان بولاتىن. وسىلايشا, اۋعانستانداعى ٸرٸ قالالاردىڭ ٸشٸنەن كابۋل مەن جەلالاباد, پەكٸستانمەن شەكاراداعى نانگارحار پروۆينتسيياسىنىڭ ورتالىعى عانا ٷكٸمەتتٸڭ قولىندا قالدى.
