قازاقستان پرەزيدەنتٸ رەسەيدٸڭ استراحان وبلىسىنىڭ گۋبەرناتورى يگور بابۋشكيندٸ قابىلدادى, دەپ حابارلايدى اقوردا.
كەزدەسۋ بارىسىندا قاسىم-جومارت توقاەۆ قازاقستان مەن رەسەي فەدەراتسيياسى اراسىنداعى ستراتەگييالىق جەنە وداقتاستىق قاتىناستاردىڭ قارقىندى دامىپ كەلە جاتقانىن جەنە ەكٸ ەل ٶڭٸرلەرٸنٸڭ ىقپالداستىعى كەڭەيە تٷسكەنٸن اتاپ ٶتتٸ. وسى رەتتە ٶڭٸرارالىق ىنتىماقتاستىق فورۋمى تيٸمدٸ ديالوگ الاڭىنا اينالىپ وتىر.
قازٸرگٸ ۋاقىتتا اتىراۋ, باتىس قازاقستان, ماڭعىستاۋ جەنە قازاقستاننىڭ ٶزگە دە وبلىستارى استراحان وبلىسىمەن كٶپتەگەن باعىت بويىنشا ٶزارا تيٸمدٸ كووپەراتسييانى جٷزەگە اسىرۋدا. ەكونوميكالىق بەلسەندٸلٸكتٸڭ جاڭعىرۋىنا وراي شەكارا ماڭىنداعى ساۋدا قارقىنى بٸرتٸندەپ قايتا قالپىنا كەلٸپ جاتقانى بايقالادى.
قازاقستان مەن استراحان وبلىسىنىڭ اراسىن نەگٸزگٸ بايلانىستىرۋشى رەتٸندە رەسەي بويىنشا ەڭ كٶپ تۇراتىن سول جەردەگٸ قازاق دياسپوراسى ماڭىزدى رٶل اتقارىپ وتىر.
پرەزيدەنت استراحان قازاقتارىنىڭ تاريحي وتانىمەن رۋحاني بايلانىستارىن نىعايتۋىنا, اتا-بابالارىنىڭ تٸلٸ مەن مەدەنيەتٸن ساقتاۋىنا جان-جاقتى قولداۋ كٶرسەتٸپ جاتقانى ٷشٸن يگور بابۋشكينگە ريزاشىلىعىن بٸلدٸردٸ.
مەملەكەت باسشىسى قازاق حالقىنىڭ بٶكەي حان, قۇرمانعازى, دينا نۇرپەيٸسوۆا جەنە باسقا دا ۇلى پەرزەنتتەرٸنٸڭ ەسٸمٸن استراحان جەرٸندە ۇلىقتاپ كەلە جاتقانى ٷشٸن ايماق ەكٸمشٸلٸگٸ مەن تۇرعىندارىنا العىس ايتتى.
