قاسىم-جومارت توقاەۆ «التىن جٷرەك» ەسكەرتكٸشٸنٸڭ اشىلۋ رەسٸمٸنە قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى كوروناۆيرۋس ٸندەتٸنە قارسى كٷرەسكە زور ٷلەس قوسقان مەديتسينا قىزمەتكەرلەرٸنە ارناپ تۇرعىزىلعان «التىن جٷرەك» ەسكەرتكٸشٸنٸڭ اشىلۋ رەسٸمٸنە قاتىستى. ەسكەرتكٸش ەلوردانىڭ سول جاعالاۋىندا الماتى مەن اقمەشٸت كٶشەلەرٸنٸڭ قيىلىسىنداعى جاڭا ساياباقتىڭ اۋماعىندا ورنالاسقان.
پرەزيدەنت سالتاناتتى لەنتانى قيىپ, ەسكەرتكٸشكە گٷل شوعىن قويدى. سودان كەيٸن اشىلۋ رەسٸمٸنە جينالعان مەديتسينا قىزمەتكەرلەرٸنٸڭ الدىندا سٶز سٶيلەدٸ.
قاسىم-جومارت توقاەۆ ٶز سٶزٸندە «التىن جٷرەك» ەسكەرتكٸشٸنٸڭ اشىلۋى اسا قاۋٸپتٸ ٸندەتپەن بەتپە-بەت كەلگەن وتانداستارىمىزدىڭ ىنتىماعى مەن بٸرلٸگٸن كٶرسەتەتٸنٸن اتاپ ٶتتٸ. مەملەكەت باسشىسى دەرٸگەرلەرگە ارناپ ەسكەرتكٸش ورناتۋ تۋرالى تاپسىرمانى بىلتىر «بٸز بٸرگەمٸز» جالپىۇلتتىق ونلاين-فورۋمىندا بەرگەن ەدٸ.
– بۇل – جاھاندىق دەرتكە قارسى كٷرەسكەن وتانداستارىمىزعا دەگەن ەل قۇرمەتٸنٸڭ بەلگٸسٸ. سونداي-اق حالىقتىڭ ادال پەرزەنتتەرٸنە ىستىق ىقىلاسىنىڭ كٶرٸنٸسٸ. ەسكەرتكٸش ەل باسىنا قيىندىق تۋعان سەتتە قاھارماندىق كٶرسەتكەن جانداردىڭ رۋحىنا تاعزىم ەتۋ ورنىنا اينالادى, – دەدٸ پرەزيدەنت.
مەملەكەت باسشىسى دەنساۋلىق ساقتاۋ سالاسىندا جۇمىس ٸستەيتٸن 10 مىڭعا جۋىق قىزمەتكەر كوروناۆيرۋس جۇقتىرىپ, ونىڭ 200-دەن استامى قايتىس بولعانىن جەتكٸزدٸ.
بىلتىر قازاقستان پرەزيدەنتٸنٸڭ جارلىعىمەن «حالىق العىسى» مەدالٸ بەكٸتٸلٸپ, پاندەميياعا قارسى كٷرەستە العى شەپتە بولعان كٶپتەگەن وتانداسىمىز ماراپاتتالدى. پرەزيدەنتتٸڭ ايتۋىنشا, بۇل ولاردىڭ قاجىرلى ەڭبەگٸ مەن ەرەن ەرلٸگٸنە دەگەن حالىقتىڭ ىستىق ىقىلاسىنىڭ بەلگٸسٸ. ماراپاتقا يە بولعان ازاماتتاردىڭ كٶپشٸلٸگٸ دەنساۋلىق ساقتاۋ سالاسىنىڭ قىزمەتكەرلەرٸ.
قاسىم-جومارت توقاەۆ پاندەمييا كەزٸندە مەملەكەت تاراپىنان دەرٸگەرلەر مەن جالپى مەديتسينا قىزمەتكەرلەرٸن قولداۋعا باعىتتالعان ىنتالاندىرۋ شارالارى توپتاماسى قابىلدانعانىن ايتتى.
– كوروناۆيرۋسپەن كٷرەسكە اتسالىسقان دەرٸگەرلەرگە تٶلەنەتٸن تەك ٷستەمەاقى مەن ساقتاندىرۋ جەردەماقىلارى ٷشٸن 180 ميلليارد تەڭگەگە جۋىق قارجى بٶلٸندٸ. ٷكٸمەت بيىلعى قازان ايىنا دەيٸن تٶلەماقى بەرۋدٸ جالعاستىرۋ ٷشٸن وسى ماقساتقا قوسىمشا 71,5 ميلليارد تەڭگە بٶلەدٸ. بٸز دەرٸگەرلەردٸڭ ەڭبەكاقىسىن كەزەڭ-كەزەڭٸمەن ارتتىرۋدى باستادىق. بۇل ٷردٸس جالعاسا بەرەدٸ, – دەدٸ مەملەكەت باسشىسى.
پرەزيدەنت ٶز سٶزٸندە مەديتسينا قىزمەتكەرلەرٸن ەلەۋمەتتٸك تۇرعىدان قورعاۋدىڭ تيٸمدٸ جٷيەسٸن قۇرۋ ماڭىزدىلىعىنا نازار اۋداردى.
– بۇل جٷيەدە اۋىلدىق جەرگە كەلگەن ماماندارعا مٸندەتتٸ تٷردە تۇرعىن ٷي بەرۋ, بٸرجولعى جەردەماقى تٶلەۋ جەنە باسقا دا جەڭٸلدٸكتەر قامتىلعان. مۇنداي شارالار وبلىستار مەن قالالار ەكٸمدەرٸنٸڭ بەلسەندٸ اتسالىسۋىمەن ەلٸمٸزدٸڭ بارلىق ٶڭٸرٸندە قابىلدانۋعا تيٸس, – دەدٸ قاسىم-جومارت توقاەۆ
سونىمەن قاتار پرەزيدەنت تەك قارجىلاي ىنتالاندىرۋدىڭ جەتكٸلٸكسٸز ەكەنٸن ايتتى.
– مەديتسينا قىزمەتكەرلەرٸنٸڭ مورالدىق جەنە زاڭدىق جاۋاپكەرشٸلٸگٸ ارتىپ كەلەدٸ. ازاماتتار تاراپىنان قويىلاتىن تالاپ تا جوعارى. كٶپتەگەن مامان قىسىمعا شىداماي, كەسٸبي تۇرعىدان قاجىپ, دەنساۋلىق ساقتاۋ سالاسىنان باس تارتۋدا. ٶكٸنٸشكە قاراي, بۇل الاڭداتارلىق جاعداي. اتالعان ٷردٸس ەلٸمٸزدە عانا ورىن الىپ وتىرعان جوق. سونداي-اق بٷكٸل ەلەمدە بەس ميلليوننان استام دەرٸگەر جەتٸسپەيدٸ. وسى ورايدا مەديتسينا قىزمەتكەرلەرٸنٸڭ قۇقىقتىق جەنە ەلەۋمەتتٸك تۇرعىدان قورعالۋىن بٸرتٸندەپ كٷشەيتۋ قاجەت. مەنٸڭ تاپسىرمام بويىنشا جىل سوڭىنا دەيٸن مەديتسينا قىزمەتكەرلەرٸنٸڭ كەسٸبي جاۋاپكەرشٸلٸگٸن ساقتاندىرۋ جٷيەسٸ ٸسكە قوسىلادى, – دەدٸ مەملەكەت باسشىسى.
پرەزيدەنت مەديتسينا قىزمەتكەرلەرٸنٸڭ قوعامداعى مەرتەبەسٸن ارتتىرۋ ٷشٸن «قازاقستان رەسپۋبليكاسىنىڭ ەڭبەك سٸڭٸرگەن دەرٸگەرٸ» اتاعىن ەنگٸزۋدٸ ۇسىندى. اتاقپەن بٸرگە ماتەريالدىق سىياقى دا بەرٸلەدٸ. ونىڭ كٶلەمٸن ٷكٸمەت بەلگٸلەيدٸ.
قاسىم-جومارت توقاەۆ دەنساۋلىق ساقتاۋ جٷيەسٸندە قىزمەت ەتۋ ٶسكەلەڭ ۇرپاق ٷشٸن مەرتەبەلٸ ەرٸ تارتىمدى بولۋى تيٸس دەپ سانايدى.
سونىمەن قاتار پرەزيدەنت ورتا دەڭگەيدەگٸ مەديتسينا قىزمەتكەرلەرٸنە قولداۋ كٶرسەتۋ مەسەلەسٸنە توقتالدى. ونىڭ پٸكٸرٸنشە, ولار دەنساۋلىق ساقتاۋ جٷيەسٸنٸڭ باستى رەسۋرسى جەنە جۇمىستىڭ نەگٸزگٸ بٶلٸگٸن اتقارادى.
– بٸزگە مەيٸرگەرلەردٸڭ جاڭا بۋىنىن قالىپتاستىرۋ قاجەت. ولار تەك ورىنداۋشىلار عانا ەمەس, كٶپ سالالى ەمدەۋ توبىنىڭ جاۋاپكەرشٸلٸك جٷكتەلگەن تەڭ قۇقىقتىق مٷشەلەرٸ بولۋى تيٸس. وسى ورايدا ولاردىڭ كەسٸبي دايىندىعىنىڭ دەڭگەيٸن بٸرتٸندەپ كٶتەرٸپ, مەيٸرگەرلٸك ٸسٸنٸڭ مەرتەبەسٸن ارتتىرۋ قاجەت, – دەدٸ مەملەكەت باسشىسى.
پرەزيدەنت ٶز سٶزٸندە ەلباسىنىڭ باستاماسىمەن ٸسكە اسىرىلعان «بٸز بٸرگەمٸز» اكتسيياسى اياسىندا پاندەميياعا قارسى كٷرەسكە زور ٷلەس قوسقان ەرٸكتٸلەر مەن مەتسەناتتاردىڭ قىزمەتٸن اتاپ ٶتتٸ.
قاسىم-جومارت توقاەۆ بارشا مەديتسينا قىزمەتكەرلەرٸن كەسٸبي مەرەكەسٸمەن قۇتتىقتاپ, «التىن جٷرەك» ەسكەرتكٸشٸ ورنالاسقان ساياباقتى «دەرٸگەرلەر اللەياسى» دەپ اتاۋدى ۇسىندى. مەملەكەت باسشىسى جاڭادان اشىلعان كەشەن اق حالاتتى ابزال جاندارعا دەگەن حالىق العىسىنىڭ بەلگٸسٸ بولاتىنىنا سەنٸم بٸلدٸردٸ.
جيىن سوڭىندا مەملەكەت باسشىسى مەديتسينا قىزمەتكەرلەرٸمەن ەڭگٸمەلەستٸ. دەرٸگەرلەر كٶرسەتٸلٸپ جاتقان قولداۋعا العىس ايتتى.
