فوتو: اقوردانىڭ باسپاسٶز قىزمەتٸ
پرەزيدەنت ەرقايسىسىنىڭ سىيىمدىلىعى 3000 تەكشە مەتر بولاتىن «بالقاش» تازا اۋىزسۋ ستانتسيياسىنىڭ ەكٸ رەزەرۆۋارىنىڭ جەنە سورعى ستانتسيياسىنىڭ قۇرىلىسىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا «كاپتاج», «باستاۋ» توعاندارىنان جەنە «مەدەۋ» سٷزگٸ ستانتسيياسىنان كەلەتٸن سۋدىڭ وسى رەزەرۆۋارلاردا جيناقتالىپ, زارارسىزداندىرىلاتىنى جٶنٸندە مەلٸمەت بەرٸلدٸ. تازالانعان اۋىزسۋ ارنايى ورناتىلعان سورعىلاردىڭ كٶمەگٸمەن كامەنسكوە پلاتو, كٶلساي, يۋبيلەينىي جەنە مۇزتاۋ ىقشاماۋداندارىنىڭ ماگيسترالدى جەلٸلەرٸ ارقىلى تاراتىلادى.
نىساندى ارالاپ كٶرۋ بارىسىندا مەملەكەت باسشىسىنا الماتى قالاسىن سۋمەن قامتۋ جەلٸسٸنٸڭ قازٸرگٸ جاي-كٷيٸ مەن دامۋ جوسپارى تۋرالى باياندالدى.
پرەزيدەنتتٸڭ تاپسىرمالارىن ورىنداۋ اياسىندا قالا ەكٸمدٸگٸ بىلتىر جاڭادان 117 شاقىرىم سۋمەن قامتۋ جەلٸسٸن سالىپ, 46 كيلومەتر سۋ قۇبىرىن جاڭعىرتۋ جۇمىستارىن جٷرگٸزگەن. اتالعان شارالار الماتى حالقىنىڭ 99,3 پايىزىن سۋمەن قامتيتىن ورتالىق جەلٸگە قوسۋعا مٷمكٸندٸك بەردٸ. بيىل تاعى 142 كيلومەتر سۋ قۇبىرىن تارتىپ, 48 شاقىرىم جەلٸگە جٶندەۋ جۇمىستارىن جٷرگٸزۋ جوسپارلانىپ وتىر. بۇل جىل سوڭىنا دەيٸن تۇرعىنداردىڭ 99,6 پايىزىنا سۋ جەتكٸزٸپ, جەلٸلەردٸڭ توزۋ دەڭگەيٸن 53,8 پايىزعا دەيٸن تٶمەندەتۋگە سەپتٸگٸن تيگٸزەدٸ.
سونىمەن قاتار قاسىم-جومارت توقاەۆقا مەدەۋ اۋدانىنىڭ 50 مىڭ تۇرعىنىن سۋمەن قامتۋدىڭ قوسالقى سحەماسىن ٸسكە قوسۋ جوسپارى جٶنٸندە مەلٸمەت بەرٸلدٸ. ال الاتاۋ, بوستاندىق جەنە ناۋرىزباي اۋداندارىنىڭ حالقىن سۋمەن تۇراقتى ەرٸ ساپالى تٷردە قامتاماسىز ەتۋ ٷشٸن ەكٸ توعان سالىنىپ جاتىر جەنە تاعى ەكەۋٸنٸڭ جوبالاۋ جۇمىستارى جٷرگٸزٸلۋدە.
الماتى قالاسى ەكٸمدٸگٸنٸڭ مەلٸمەتٸنە سەيكەس بيىل قارعالى توعانىنىڭ قۇرىلىسىن اياقتاۋ جوسپارلانىپ وتىر. بۇل نىسان ناۋرىزباي اۋدانىنىڭ 50 مىڭ تۇرعىنىن اۋىزسۋمەن قامتاماسىز ەتەدٸ. كەلەسٸ جىلى اقساي توعانىنىڭ قۇرىلىسىن اياقتاۋ كٶزدەلۋدە. ول ناۋرىزباي اۋدانىنداعى 100 مىڭ تۇرعىن مەن الماتى وبلىسى قاراساي اۋدانىنداعى 15 مىڭ تۇرعىننىڭ سۋعا قاتىستى مەسەلەسٸن شەشۋگە سەپتٸگٸن تيگٸزەدٸ.
قاسىم-جومارت توقاەۆ الماتى قالاسىن سۋمەن قامتاماسىز ەتۋ جالپىمەملەكەتتٸك ماڭىزى بار باسىم مٸندەت ەكەنٸن اتاپ ٶتتٸ. سونىمەن قاتار بىلتىر الماتى قالاسىنىڭ مەدەۋ اۋدانىندا بولعان جاعدايدىڭ قايتالانۋىنا جول بەرۋگە بولمايتىنىن ەسكەرتتٸ.
– ەلٸمٸزدە سۋ تاپشىلىعى بار. بٸزگە جالپى مەملەكەتتٸك باعدارلاما قاجەت. باۋ-باقشانى سۋارۋ ٷشٸن اۋىزسۋدى پايدالانۋعا بولمايدى. ونىڭ ورنىنا سۋ ٷنەمدەۋ تەحنولوگيياسىن قولدانىسقا ەنگٸزٸپ, جەر استىنان جاڭا سۋ كٶزدەرٸن ٸزدەۋ قاجەت. الماتىنىڭ تۇرعىندارى اۋىزسۋدىڭ تاپشىلىعىنا جيٸ شاعىمدانادى. سوندىقتان كەشەندٸ, جٷيەلٸ جۇمىس جٷرگٸزٸلۋٸ كەرەك, – دەدٸ پرەزيدەنت.
