قازاقستان پرەزيدەنتٸ ەلەمدٸك جەنە دەستٷرلٸ دٸندەر كٶشباسشىلارى VII سەزٸنٸڭ جابىلۋ رەسٸمٸنە قاتىستى, - دەپ حابارلايدى "ۇلت اقپارات" اقورداعا سٸلتەمە جاساپ.
ەلەمدٸك جەنە دەستٷرلٸ دٸندەر كٶشباسشىلارى VII سەزٸنٸڭ جابىلۋ رەسٸمٸنٸڭ الدىندا قورىتىندى دەكلاراتسييا جارييالاندى.
قاسىم-جومارت توقاەۆ فورۋمنىڭ ەكٸ كٷندٸك جۇمىسىن قورىتىندىلاي كەلە, قازاق جەرٸ وسى كٷندەرٸ تٷرلٸ مەدەنيەتتەردٸڭ سىندارلى سۇحبات ورتالىعىنا اينالعانىن اتاپ ٶتتٸ. دٷنيەجٷزٸنٸڭ بەدەلدٸ دٸنباسىلارى وسى جەردە بٸر شاڭىراقتىڭ استىنا جينالدى.
"شىن مەنٸندە, بەرٸمٸزدٸڭ ماقساتىمىز – بٸر. بۇل – ٶركەنيەتتەر ٷندەستٸگٸن ورناتۋ جەنە بەيبٸتشٸلٸك پەن تۇراقتىلىقتى نىعايتۋ. سەزدە كٶپتەگەن سالماقتى وي, ساليقالى پٸكٸر ايتىلدى. ونىڭ بەرٸ بٸزدٸڭ ٷيلەسٸمدٸ ەلەم قۇرۋ جولىنداعى ٸس-ەرەكەتٸمٸزگە وڭ ىقپالىن تيگٸزەدٸ دەپ سانايمىن. بٸزدٸڭ باستامامىزعا قولداۋ كٶرسەتٸپ, سەزگە ارنايى كەلگەن دٸني كٶشباسشىلارعا, ساياساتكەرلەر مەن حالىقارالىق ۇيىم ٶكٸلدەرٸنە العىس ايتامىن. سونداي-اق فورۋمدى ٶتكٸزۋگە بەلسەنە اتسالىسقان ديپلوماتتارعا, ۆولونتەرلەرگە, جۋرناليستەر مەن باسقا دا ازاماتتارعا ريزاشىلىعىمدى بٸلدٸرەمٸن", – دەدٸ مەملەكەت باسشىسى.
پرەزيدەنت قازاقستان حالقىنىڭ جەنە جەكە ٶزٸنٸڭ اتىنان ريم پاپاسى فرانتسيسككە ەلٸمٸزگە تاريحي ساپار جاساپ, سەزد جۇمىسىنا قاتىسقانى ٷشٸن تاعى دا ريزاشىلىعىن بٸلدٸردٸ.
"سٸزدٸڭ ەلەمدٸك قوعامداستىققا ٷندەۋٸڭٸز بٷكٸل ەلەمدەگٸ ميلليونداعان ادامدارعا ٷمٸت پەن سەنٸم سىيلادى", – دەدٸ مەملەكەت باسشىسى.
قازاقستان پرەزيدەنتٸ ەلەمدٸك جەنە دەستٷرلٸ دٸندەر كٶشباسشىلارىنىڭ VII سەزٸ تاريحتىڭ بەتبۇرىس كەزەڭٸندە ٶتكەنٸنە توقتالدى. پاندەمييادان كەيٸن گەوستراتەگييالىق جاعداي ۋشىققان كەزدە جاھاندىق دەڭگەيدە ٶركەنيەتارالىق ديالوگ پەن سەنٸمدٸ نىعايتۋ ٷشٸن جاڭا ەدٸستەر ٸزدەۋ اسا ماڭىزدى. پرەزيدەنت فورۋمنىڭ قورىتىندىسى بۇل باستى مٸندەتتٸ شەشۋگە ەلەۋلٸ ٷلەس قوسادى دەپ سانايدى.
"بٸز بٸرلەسە وتىرىپ, ۇلتتاردىڭ بٸرٸن-بٸرٸ شەتتەتۋٸنە, مەملەكەتتەردٸڭ كٷيرەۋٸنە جەنە حالىقارالىق قاتىناستار جٷيەسٸنٸڭ بۇزىلۋىنا ىقپال ەتەتٸن "كٷش كٶرسەتۋ ساياساتى" مەن "ارازدىق تٸلٸن" دەرٸپتەۋدٸ سىنعا الدىق. بٷگٸندە دٸندەردٸڭ بٸتٸمگەرلٸك ەلەۋەتٸن پايدالانىپ, ۇزاق مەرزٸمدٸ تۇراقتىلىققا قول جەتكٸزۋ ٷشٸن رۋحاني كٶشباسشىلاردىڭ كٷش-جٸگەرٸن بٸرٸكتٸرۋ بۇرىن-سوڭدى بولماعان ماڭىزعا يە. بارلىق دٸننٸڭ نەگٸزٸندە گۋمانيستٸك يدەالدار, ادام ٶمٸرٸنٸڭ جوعارى قۇندىلىقتارى, بەيبٸتشٸلٸك پەن جاسامپازدىققا ۇمتىلۋ سيياقتى ٸزگٸ امالدار جاتادى. وسى نەگٸزگٸ قاعيداتتار رۋحاني سالادا عانا ەمەس, سونداي-اق مەملەكەتتەردٸڭ ەلەۋمەتتٸك-ەكونوميكالىق دامۋى مەن حالىقارالىق ساياساتتا دا كٶرٸنٸس تابۋى قاجەت", – دەدٸ قاسىم-جومارت توقاەۆ.
سونىمەن قاتار مەملەكەت باسشىسى ۇلتتىق كٷيزەلٸستەر مەن جاھاندىق داعدارىستاردىڭ قاينار كٶزٸ سانالاتىن تەڭسٸزدٸكتٸڭ بارلىق تٷرٸن ەڭسەرۋ تالقىلانعان نەگٸزگٸ مەسەلەلەردٸڭ بٸرٸ بولعانىن اتاپ ٶتتٸ. تسيفرلىق جەنە گەندەرلٸك پروبلەمالارعا, ەلەۋمەتتٸك بٶلٸنٸستەردٸ جويۋ ٸسٸندەگٸ بٸلٸم مەن دٸني اعارتۋ سالاسىنىڭ اتقاراتىن رٶلٸنە باسا مەن بەرٸلدٸ.
قازاقستان پرەزيدەنتٸ ەكونوميكالىق ٶسٸم مەن رۋحاني-ادامگەرشٸلٸك دامۋدىڭ اراسىنداعى تەڭدٸككە قول جەتكٸزۋ جولدارىن قاراستىرۋ ەلٸ دە ٶزەكتٸ ەكەنٸن اتاپ ٶتتٸ.
"دٸندەر كٶشباسشىلارى رۋحاني جەنە تەحنولوگييالىق دامۋدى ٷيلەسٸمدٸ ۇشتاستىرۋ قاجەت ەكەنٸن دەلەلدەي الاتىنىنا سەنٸمدٸمٸن", – دەدٸ پرەزيدەنت.
قاسىم-جومارت توقاەۆ رۋحاني كٶشباسشىلاردىڭ بەدەلٸ بٷكٸل ادامزاتتىڭ يگٸلٸگٸ ٷشٸن قازٸرگٸ ەلەمدەگٸ قايشىلىقتاردى ەڭسەرۋگە سەپتٸگٸن تيگٸزەتٸنٸنە سەنٸمدٸ.
مەملەكەت باسشىسى سەزدٸڭ قورىتىندى قۇجاتىنا ەرەكشە نازار اۋداردى. پرەزيدەنت فورۋم قورىتىندىسى بويىنشا بٷگٸن مازمۇندى ەرٸ جان-جاقتى پىسىقتالعان دەكلاراتسييا قابىلداناتىنىن جەتكٸزدٸ. ونىڭ ايتۋىنشا, بۇل ماڭىزدى كونتسەپتۋالدى قۇجات ٸرگەلٸ مەسەلەلەردٸ قامتيدى جەنە ٷكٸمەتتەرگە, ساياسي كٶشباسشىلارعا, حالىقارالىق ۇيىمدارعا باعدار بەرە الادى.
"بٸزدٸڭ ورتاق مٸندەتٸمٸز – دەكلاراتسييانىڭ كونتسەپتۋالدى ەرەجەلەرٸ مەن يدەيالارىن دەيەكتٸ تٷردە ٸلگەرٸلەتۋ. سونىمەن قاتار ەلەمدٸك جەنە دەستٷرلٸ دٸندەر كٶشباسشىلارى سەزٸن دامىتۋدىڭ 2023-2033 جىلدارعا ارنالعان تۇجىرىمداماسىن ەزٸرلەۋ قاجەت. قۇجاتتا بٸزدٸڭ فورۋمنىڭ ىقپالىن ودان ەرٸ كٷشەيتۋدٸڭ ناقتى قادامدارى مەن كەزەڭدەرٸ قامتىلۋى كەرەك", – دەدٸ مەملەكەت باسشىسى.
قاسىم-جومارت توقاەۆ سٶزٸن قورىتىندىلاي كەلە, قازاقستان ٶزٸنٸڭ ٸشكٸ جەنە سىرتقى ساياساتىنىڭ باسىمدىقتارىنا سەيكەس, سەزدٸڭ دەيەكتٸ قىزمەتٸن تولىقتاي قولدايتىنىن اتاپ ٶتتٸ.
سونىمەن قاتار, سەزدٸڭ جابىلۋ رەسٸمٸندە ريم پاپاسى فرانتسيسك, "ەل-ازھار" ۋنيۆەرسيتەتٸنٸڭ جوعارعى يمامى شەيح احماد ات-تايەب, مەسكەۋ پاتريارحاتىنىڭ سىرتقى شٸركەۋلٸك بايلانىستار دەپارتامەنتٸنٸڭ تٶراعاسى, ۆولوكولامسك ميتروپوليتٸ انتونيي, ساۋد ارابيياسى كورولدٸگٸنٸڭ يسلام ٸستەرٸ, ۋاعىز جەنە ناسيحات جٶنٸندەگٸ مينيسترٸ شەيح ابدۋللاتيف بەن ابدۋلازيز ابدراحمان ەل اش-شەيح, يزرايلدٸڭ باس اشكەناز راۆۆينٸ داۆيد لاۋ, سونداي-اق ەلەمدٸك جەنە دەستٷرلٸ دٸندەر كٶشباسشىلارى سەزٸ حاتشىلىعىنىڭ باسشىسى – قازاقستان رەسپۋبليكاسى پارلامەنت سەناتىنىڭ تٶراعاسى مەۋلەن ەشٸمباەۆ سٶز سٶيلەدٸ.
