مەملەكەت باسشىسى قازاقستانعا جۇمىس ساپارىمەن كەلگەن اقش-تىڭ اۋعانستانداعى تاتۋلاستىرۋ جٶنٸندەگٸ ارناۋلى ٶكٸلٸ زالماي حاليلزادتى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋ بارىسىندا اۋعانستانداعى قاۋٸپسٸزدٸك پەن تۇراقتىلىقتى قامتاماسىز ەتۋ بويىنشا قازاقستان مەن امەريكا اراسىنداعى كەڭەيتٸلگەن ستراتەگييالىق سەرٸكتەستٸكتٸ دامىتۋدىڭ پەرسپەكتيۆالارى, سونىڭ ٸشٸندە, اقش پەن ناتو ەسكەرلەرٸنٸڭ وسى ەلدەن شىعارىلۋ بارىسى قاراستىرىلدى. سونىمەن قاتار اۋعانستان مەملەكەتٸنٸڭ تۇراقتىلىعى مەن ەلەۋمەتتٸك-ەكونوميكالىق دامۋىن قايتا قالپىنا كەلتٸرۋ جٶنٸندەگٸ ەكٸجاقتى جەنە كٶپجاقتى ٸس-قيمىلداردى ٷيلەستٸرۋ مەسەلەسٸ دە سٶز بولدى.
قازاقستان پرەزيدەنتٸ امەريكالىق ديپلوماتقا ٸلتيپات بٸلدٸرٸپ, ونىڭ بۇل ساپارىنىڭ ەلدەرٸمٸز اراسىنداعى جوعارى دەڭگەيدەگٸ ديالوگتى ساقتاۋ تۇرعىسىنان ماڭىزى زور ەكەنٸنە توقتالدى.
– بيىل بٸز تەۋەلسٸزدٸگٸمٸزدٸڭ 30 جىلدىعىن اتاپ ٶتەمٸز. وسى ۋاقىت ارالىعىندا بٸز دوستىققا جەنە ٶزارا تيٸمدٸ ىنتىماقتاستىققا نەگٸزدەلگەن قاتىناستاردى ورناتا الدىق. اقش – قازاقستانىڭ سەنٸمدٸ سەرٸكتەسٸ. بٸزدٸڭ ەرتٷرلٸ باعىتتار بويىنشا, سونىڭ ٸشٸندە, ساۋدا جەنە ەكونوميكا سالالارىنداعى بەلسەندٸ ىقپالداستىعىمىز جولعا قويىلعان, – دەدٸ قاسىم-جومارت توقاەۆ.
مەملەكەت باسشىسى اۋعانستانداعى احۋالدى رەتتەۋ جٶنٸندەگٸ ىنتىماقتاستىقتى قازاقستان مەن اقش اراسىنداعى ٶزارا ىقپالداستىقتىڭ ماڭىزدى بٶلٸگٸ رەتٸندە اتاپ ٶتتٸ.
پرەزيدەنت اۋعانستاننىڭ, رەسەيدٸڭ, قىتايدىڭ, ورتالىق ازييا مەملەكەتتەرٸنٸڭ جەنە حالىقارالىق ۇيىمداردىڭ باسشىلارىمەن جٷرگٸزگەن كەلٸسسٶزدەرٸندە اۋعان پروبلەماسى ٷنەمٸ نازاردا بولاتىنىن جەتكٸزدٸ.
ٶز كەزەگٸندە زالماي حاليلزاد قاسىم-جومارت توقاەۆقا جەكە كەزدەسۋگە مٷمكٸندٸك بەرگەنٸ ٷشٸن العىس بٸلدٸردٸ. اقش-تىڭ ارناۋلى ٶكٸلٸ قازاقستان پرەزيدەنتٸنٸڭ اۋعانستانداعى تۇراقتىلىقتى قالپىنا كەلتٸرۋگە باعىتتالعان حالىقارالىق ٸس-قيمىلدارعا قوسقان ٷلەسٸن جوعارى باعالاپ, ەلٸمٸزدٸڭ ورتالىق ازييا ٶڭٸرٸندەگٸ تۇراقتىلىقتى ساقتاۋداعى ماڭىزدى رٶلٸنە توقتالدى.
ەڭگٸمەلەسۋ بارىسىندا زالماي حاليلزاد اۋعانستانداعى قازٸرگٸ احۋالعا باعا بەرٸپ, اۋعانارالىق بەيبٸت پروتسەستٸ ودان ەرٸ دامىتۋعا, اۋعان باعىتىنداعى بارلىق مٷددەلٸ تاراپتاردىڭ كٷش-جٸگەرٸن ٷيلەستٸرۋگە قاتىستى اقش ديپلوماتيياسىنىڭ وي-پٸكٸرٸن ورتاعا سالدى.
