جول قۇرىلىسى سالاسىن جەمقورلىق جايلاعان. بۇل تۋرالى ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
"بٸز بٸر اپتا بۇرىن ەلٸمٸزدٸڭ كٶلٸك-ترانزيت ەلەۋەتٸن دامىتۋ مەسەلەلەرٸ تۋرالى ارنايى جيىن ٶتكٸزدٸك. بٷگٸن اۆتوجول ينفراقۇرىلىمى سالاسىنداعى تٷيتكٸلدەرگە ەرەكشە توقتالعىم كەلەدٸ. بيىل 11 مىڭنان استام شاقىرىم جولعا ەرتٷرلٸ جٶندەۋ جۇمىستارى جٷرگٸزٸلەدٸ. بۇعان 600 ميلليارد تەڭگەدەن استام قارجى بٶلٸندٸ. جٶندەۋ جۇمىستارىن سوزبالاڭعا سالۋعا بولمايدى" - دەدٸ پرەزيدەنت.
مەملەكەت باسشىسى جوبالاردى جٷزەگە اسىرۋ بارىسىن قاتاڭ باقىلاۋعا الۋ قاجەتتٸگٸن باسا ايتتى.
"جولدىڭ ساپاسىنا ايرىقشا نازار اۋدارۋ كەرەك. ەلٸمٸزدٸڭ جولدارى ناشار ەكەنٸ جەنە جول قۇرىلىسى سالاسىن جەمقورلىق جايلاعانى ەشكٸمگە جاسىرىن ەمەس. تٸپتٸ, باسقا جەردٸ ايتپاعاننىڭ ٶزٸندە اقورداعا اپاراتىن جولدىڭ ٶزٸ جاماۋ-جاماۋ, قۇراق كٶرپەگە ۇقسايتىن بولدى" - دەدٸ توقاەۆ.
پرەزيدەنتتٸڭ ايتۋىنشا, بۇل سالادا قوردالانعان مەسەلە كٶپ.
"تەندەردٸ جىل سايىن بٸردٸ-ەكٸلٸ كومپانييا عانا ۇتىپ الادى. مۇنداي جاعدايدىڭ قايتالانىپ كەلە جاتقانىنا ونداعان جىل بولدى. وسىنىڭ بەرٸن رەتكە كەلتٸرۋ ٷشٸن شۇعىل شارالار قابىلداۋ كەرەك. جارتى جىل ٶتتٸ. ال, جول جٶندەۋگە بٶلٸنگەن قاراجاتتىڭ 44 پايىزىنا مەملەكەتتٸك ساتىپ الۋ قورىتىندىسى جاسالعان جوق (464 ملرد. تەڭگەنٸڭ 263 ملرد. تەڭگەسٸ بويىنشا مەملەكەتتٸك ساتىپ الۋ قورىتىندىسى بار). بۇل جۇمىس پاۆلودار (17%), ماڭعىستاۋ (24%) جەنە باتىس قازاقستان (27%) وبلىستارىندا ٶتە باياۋ جٷرۋدە" - دەدٸ مەملەكەت باسشىسى.
سونداي-اق, توقاەۆ قازاقستاندا جول قۇرىلىسىنا قاجەتتٸ ماتەريالدىڭ بەرٸ بارىن, بٸراق وتاندىق ٶندٸرٸستٸڭ ەلەۋەتٸ تولىق قولدانىلمايتىنى ايتىلدى.
"مۇنى, تٸپتٸ, قولدان جاسالعان تاپشىلىق دەۋگە بولادى. مىسالى, ەلٸمٸزدە بيتۋم ٶندٸرەتٸن ٷش زاۋىت بار. سوعان قاراماستان, 200 مىڭ توننا بيتۋم جەتٸسپەيدٸ. قۇرىلىس قارقىندى جٷرگەن كەزدە ونىڭ باعاسى ٷش ەسە (ياعني, بٸر تونناسى 90 مىڭنان 250 مىڭ تەڭگەگە دەيٸن) قىمباتتايدى. ٷكٸمەتكە جول قۇرىلىسىنا قاجەتتٸ رەسۋرستاردى ٶندٸرۋ جەنە تۇتىنۋ بارىسىن مۇقييات سارالاۋدى تاپسىرامىن.
سونىڭ نەگٸزٸندە قۇرىلىس ماتەريالدارىن شىعاراتىن جاڭا كەسٸپورىندار اشۋ قاجەت. ال, جۇمىس ٸستەپ تۇرعان نىسانداردى جاڭعىرتۋ كەرەك" - دەدٸ پرەزيدەنت.
