فوتو: Akorda.kz
مەملەكەت باسشىسى اقمولا وبلىسىنىڭ ەكٸمٸ مارات احمەتجانوۆتى قابىلدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا اقمولا وبلىسىنىڭ ەلەۋمەتتٸك-ەكونوميكالىق دامۋى جايىندا باياندالدى.
پرەزيدەنتكە ٶڭٸر ەكونوميكاسىنىڭ بٸرقاتار سالاسىندا وڭ نەتيجەلەر بار ەكەنٸ تۋرالى مەلٸمەت بەرٸلدٸ. نەگٸزگٸ كاپيتالعا سالىنعان ينۆەستيتسييا كٶلەمٸ 530 ميلليارد تەڭگەگە جەتكەن. ونىڭ ٸشٸندە جەكە ينۆەستيتسييا 435 ميلليارد تەڭگەدەن اسقان. 154 جوبا ٸسكە اسىرىلىپ, 1,5 مىڭ جۇمىس ورنى اشىلعان.
مارات احمەتجانوۆتىڭ ايتۋىنشا, شارۋالاردى قولداۋ جەنە قايتا ٶڭدەلگەن ٶنٸم ٷلەسٸن ارتتىرۋ شارالارى تۇراقتى تٷردە قابىلدانىپ جاتىر. جىل باسىنان بەرٸ ٶسٸمدٸك مايى, ٶڭدەلگەن ەت, سٷت, ماي, ٸرٸمشٸك جەنە سٷزبە سيياقتى ازىق-تٷلٸك تٷرلەرٸن ٶندٸرۋ كٶرسەتكٸشٸ ٶسكەن. ماكينسك قۇس فابريكاسىنىڭ 3-كەزەڭٸ ٸسكە قوسىلدى جەنە «اق-دالا اگرو» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ ٶندٸرٸستٸك قۋاتى كەزەڭ-كەزەڭٸمەن ارتىپ كەلەدٸ. بۇل وبلىستىڭ قۇس ەتٸن ٶندٸرۋ بويىنشا ەلٸمٸزدە كٶشباسشى ٶڭٸرلەردٸڭ بٸرٸنە اينالۋىنا مٷمكٸندٸك بەردٸ.
كەزدەسۋدە جىلىتۋ ماۋسىمىنىڭ بارىسىنا دا ەرەكشە نازار اۋدارىلدى. وبلىس ەكٸمٸ بارلىق كوممۋنالدىق قىزمەتتٸڭ جۇمىسى قاتاڭ باقىلاۋعا الىنعانىن, كٶكشەتاۋ جەنە ستەپنوگورسك قالالارىنداعى نىسانداردىڭ كەزەڭ-كەزەڭٸمەن جاڭعىرتىلعانىن جەتكٸزدٸ.
بۇدان بٶلەك, پرەزيدەنتكە كٶكشەتاۋ قالاسىن دامىتۋعا قاتىستى باس جوسپاردىڭ جوباسى ەزٸرلەنگەنٸ تۋرالى اقپارات بەرٸلدٸ. بۇل جوبا قالانىڭ ەكولوگييالىق جەنە ينفراقۇرىلىمدىق مەسەلەلەرٸن شەشۋدٸ كٶزدەيدٸ.
سونىمەن قاتار مەملەكەت باسشىسىنا حالىقتىڭ تۇرمىسىن جاقسارتۋعا جەنە ٸرگەلەس ميگراتسييانى تٶمەندەتۋگە ىقپال ەتەتٸن اگلومەراتسييانى دامىتۋ جٶنٸندەگٸ جاڭا كەشەندٸ جوسپاردىڭ جوباسى تانىستىرىلدى.
كەزدەسۋ سوڭىندا قاسىم-جومارت توقاەۆ ٶڭٸردٸ ودان ەرٸ دامىتۋ, اۋىل شارۋاشىلىعى ٶنٸمدەرٸن تەرەڭ ٶڭدەۋ جوبالارىن ٸسكە اسىرۋ, ينۆەستيتسييا تارتۋ, سونداي-اق اقمولا وبلىسىنىڭ قالالارىن جىلۋمەن ٷزدٸكسٸز قامتاماسىز ەتۋ جٶنٸندە بٸرقاتار تاپسىرما بەردٸ.
