قر پرەمەر-مينيسترٸنٸڭ ورىنباسارى ەرالى توعجانوۆ مەملەكەت باسشىسى زەينەتاقى جيناقتارىنىڭ شەكتٸ مەجەسٸن كٶتەرۋ مەرزٸمٸن ۇزارتۋ شەشٸمٸ بويىنشا حالىققا ٷندەۋ جاسادى, دەپ حابارلايدى قازاقپارات.
ونىڭ ايتۋىنشا, 2022 جىلعى 1 سەۋٸرگە دەيٸن شامامەن 500 مىڭ ازاماتقا ٶزدەرٸنٸڭ زەينەتاقى جيناقتارىنىڭ بٸر بٶلٸگٸن: تۇرعىن ٷي جاعدايلارىن جاقسارتۋعا, قۇنى جوعارى ەمدەلۋ اقىسىن تٶلەۋگە نەمەسە جەكە باسقارۋشى كومپانييالارعا بەرۋ ماقساتىندا پايدالانۋعا مٷمكٸندٸك بەرەدٸ.
سونداي-اق, جىل سوڭىنا دەيٸن زەينەتاقى جيناقتارى ەسەبٸنەن «وتباسى بانكتەگٸ» دەپوزيتتٸ تولىقتىرۋ فۋنكتسيياسى ٸسكە قوسىلادى.
«بٷگٸن پرەزيدەنتتٸڭ تاپسىرماسىن جەدەل ورىنداۋ ماقساتىندا جيناقتاردىڭ شەكتٸ مەجەسٸن كٶتەرۋ مەرزٸمٸن ۇزارتۋ تۋرالى ٷكٸمەت شەشٸمٸنٸڭ جوباسى ەزٸرلەندٸ, ول جاقىن ارادا قابىداناتىن بولادى. وسى كٷنگە دەيٸن زەينەتاقى جيناقتارىنىڭ بٸر بٶلٸگٸن پايدالانۋ قۇقىعىن 606 مىڭنان استام ادام بارلىعى 2,2 ترلن تەڭگە كٶلەمٸندە قولداندى», - دەدٸ ەرالى توعجانوۆ.
ونىڭ ٸشٸندە تۇرعىن ٷي جاعدايلارىن جاقسارتۋعا – 527,2 مىڭ ادام (2 ترلن استام تەڭگە), ەمدەلۋ اقىسىن تٶلەۋگە – 75,7 مىڭ ادام (68 ملرد تەڭگە) بەرٸلگەن. ال 3,2 مىڭ ادام 5 ملرد تەڭگە بولاتىن جيناقتارىن جەكە باسقارۋشى كومپانييالارعا بەرگەن.
«بۇل رەتتە زەينەتاقى جٷيەسٸنٸڭ نەگٸزگٸ مٸندەتٸ – ازاماتتاردىڭ زەينەتكەرلٸككە شىققاننان كەيٸنگٸ جەتكٸلٸكتٸ تابىسىن قامتاماسىز ەتۋ ەكەنٸن اتاپ ٶتكٸم كەلەدٸ. سوندىقتان, شەكتٸلٸك دەڭگەيٸ دە كٶتەرٸلگەن بولاتىن. ازاماتتارىمىز جيناقتىڭ شەكتٸ مەجەسٸنەن جوعارى سومالاردى پايدالانۋ ولاردىڭ بولاشاق زەينەتاقىسىنىڭ مٶلشەرٸن ەدەۋٸر قىسقارتاتىنىن تٷسٸنۋٸ تيٸس. سوندىقتان زەينەتاقى جيناقتارىنىڭ شەكتٸ مەجەسٸ بولاشاق زەينەتكەرلەردٸڭ مٷددەلەرٸن قورعاۋ ٷشٸن بەلگٸلەنەدٸ. سوندىقتان, بۇل مٷمكٸندٸكتٸ اقىلمەن پايدالۋ كەرەك دەپ ويلايمىن, اسا مۇقتاج بولعاندا, ەمدەلۋ نەمەسە پەتەر الۋ قاجەت بولعاندا وسى مٷمكٸندٸككە جٷگٸنگەن جٶن», - دەدٸ توعجانوۆ.
