قر پرەمەر-مينيسترٸنٸڭ ورىنباسارى ەرالى توعجانوۆ ەڭبەك جەنە حالىقتى ەلەۋمەتتٸك قورعاۋ مينيسترلٸنٸڭ كەڭەيتٸلگەن القا مەجٸلٸسٸندە كۆازيمەملەكەتتٸك كومپانييا باسشىلارى مەن جۇمىسشىلاردىڭ ايلىعىنداعى ايىرماشىلىقتى قىسقارتۋ تۋرالى پٸكٸر بٸلدٸردٸ, دەپ حابارلايدى قازاقپارات.
«ەڭبەك تابىسىنىڭ ديسبالانسىن جويۋ قاجەت. ونىڭ ٸشٸندە مەملەكەتتٸك قولداۋ شارالارىمەن قامتىلعان كەسٸپورىندارعا قىزمەتكەرلەرٸنٸڭ تابىسىن ارتتىرۋعا باعىتتالعان قارىمتا جاۋاپكەرشٸلٸكتەر جٷكتەلۋٸ كەرەك», - دەدٸ ٷكٸمەت باسشىسنىڭ ورىنباسارى.
ونىڭ ايتۋىنا قاراعاندا, باسشىلار مەن ٶندٸرٸستە تەر تٶگٸپ جٷرگەن جۇمىسشىلاردىڭ ايلىعىنداعى ايىرماشىلىقتى قىسقارتۋ مەسەلەسٸن جان-جاقتى پىسىقتاۋ قاجەت.
«بٷكٸل كومپانييالاردا, سونىڭ ٸشٸندە كۆازيمەملەكەتتٸك سەكتوردا دا باسشىلىق لاۋازىمداعى قىزمەتشٸلەر مەن ٶندٸرٸستەگٸ پەرسونالدىڭ ايلىعىنداعى ايىرماشىلىقتى قىسقارتۋ تۋرالى ۇسىنىستى پىسىقتاۋ قاجەت. بۇل ەندٸ وڭاي مەسەلە ەمەس. بۇل جەردە بٸراز مەسەلە بار ەكەنٸن جاقسى بٸلەمٸز. كەسٸپوداق ٶكٸلدەرٸ دە بۇل مەسەلەنٸ كٶتەرٸپ جاتىر. سوندىقتان ونى بٸرگە قاراستىرۋعا بٸز دايىنبىز», - دەدٸ ەرالى توعجانوۆ.
