قر پرەمەر-مينيسترٸنٸڭ ورىنباسارى ەرالى توعجانوۆ باستاعان ٷكٸمەت دەلەگاتسيياسى جۇمىس ساپارىمەن اتىراۋ وبلىسىنا باردى, دەپ حابارلايدى "ۇلت اقپارات".
«جۇمىس ساپارى بارىسىندا ەرالى توعجانوۆ ٶڭٸردەگٸ ەپيدەميولوگييالىق احۋال, «تەڭٸز» كەنٸشٸندەگٸ جۇمىسشىلاردى شىعارۋ مەن جۇمىسپەن قامتۋدىڭ جول كارتاسىن ٸسكە اسىرۋ مەسەلەلەرٸنە قاتىستى كەڭەس ٶتكٸزدٸ.
قر پرەمەر-مينيسترٸنٸڭ ورىنباسارى ەرالى توعجانوۆ ەلٸمٸزدە كوروناۆيرۋس ينفەكتسيياسىن جۇقتىرۋ ٶسٸمٸ 2-3% دەڭگەيٸندە ەكەنٸن اتاپ ٶتتٸ. كٶرسەتكٸشتٸڭ تٶمەندەۋٸ مەملەكەت باسشىسى قاسىم-جومارت توقاەۆتىڭ تاپسىرماسىمەن قابىلدانعان ناقتى شارالاردىڭ نەتيجەسٸ», دەلٸنگەن پرەزيدەنت جانىنداعى تج رەجٸمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ Telegram پاراقشاسىندا .
اتىراۋ وبلىسىنىڭ ەكٸمٸ ماحامبەت دوسمۇحامبەتوۆتٸڭ ايتۋىنشا, ايماقتاعى ەپيدەميولوگييالىق جاعداي ەلٸ دە تۇراقتى ەمەس. قازٸرگٸ كەزدە ٶڭٸردە COVID-19 ينفەكتسيياسىن جۇقتىرعان 458 ادام تٸركەلگەن. ولاردىڭ 127-سٸ ەمدەلٸپ شىقتى. ال «تەڭٸز» كەنٸشٸنٸڭ 384 جۇمىسشىسىنان اتالعان ۆيرۋس انىقتالعان. بۇل ازاماتتار 20 جاتاقحانادا تۇراتىن 33 مەكەمەنٸڭ قىزمەتكەرلەرٸ.
قر دەنساۋلىق ساقتاۋ مينيسترٸ ەلجان بٸرتانوۆتىڭ ايتۋىنشا, «تەڭٸز» كەنٸشٸندە كارانتيندٸك تالاپتار جەتكٸلٸكتٸ دەڭگەيدە ساقتالماي وتىر. سوندىقتان, ول «تەڭٸزشەۆرويل» كومپانيياسىنىڭ مەردٸگەر جەنە سۋبمەردٸگەر كومپانييالارى باسشىلارىنىڭ جاۋاپكەرشٸلٸگٸن ارتتىرۋعا شاقىردى.
قازٸرگٸ كەزدە «تەڭٸز» كەنٸشٸنەن 17 مىڭ ادام ٶزدەرٸنٸڭ تۇرعىلىقتى جەرٸنە جەتكٸزٸلگەن.
سونداي-اق, كەڭەس بارىسىندا «جۇمىسپەن قامتۋدىڭ جول كارتاسى-2020» باعدارلاماسىن ٶڭٸردە جٷزەگە اسىرۋ بارىسى قارالدى. ٷكٸمەت بيىل 1 ملن 220 مىڭ ادامدى جۇمىسپەن قامتۋدى جوسپارلاپ وتىر. اتىراۋ وبلىسىندا بۇل باعدارلاما شەڭبەرٸندە 63 جوبا جٷزەگە اسىرىلىپ, 7 مىڭ جۇمىس ورنى اشىلادى. وعان رەسپۋبليكالىق بيۋدجەتتەن 35 ملرد 308 ملن تەڭگە بٶلٸنٸپ وتىر.
وتىرىستى قورىتىندىلاعان قر پرەمەر-مينيسترٸنٸڭ ورىنباسارى ەرالى توعجانوۆ ەپيدەميولوگييالىق احۋالدى باقىلاۋدا ۇستاۋدى تاپسىرىپ, «جۇمىسپەن قامتۋدىڭ جول كارتاسى-2020» باعدارلاماسىن تيٸمدٸ جٷزەگە اسىرۋ جەنە جۇمىسپەن قامتاماسىز ەتۋگە قاتىستى بٸرقاتار ناقتى تاپسىرمالار بەردٸ.
