«توبىل» ديرەكتورى كلۋبتاعى سوڭعى جاعدايلار تۋرالى تٷسٸنٸك بەردٸ, دەپ حابارلايدى "ۇلت اقپارات" كلۋبتىڭ رەسمي سايتىنا سٸلتەمە جاساپ.
نيكولاي پانين بەلگٸلٸ فۋتبول مامانى ۆلاديمير گاززاەۆپەن نە ٷشٸن كەلٸسٸمشارتتى ٷزگەنٸن تٷسٸندٸردٸ. ونىڭ ايتۋىنشا, كومانداداعى قارجىلىق جاعداي وسىنداي شەشٸم قابىلداۋعا مەجبٷر ەتكەن.
«الدىمەن, قازاقستاندىق بارشا جانكٷيەر الدىندا كەشٸرٸم سۇرايمىن. ەۋروپا ليگاسىندا سەتسٸزدٸككە ۇشىراعانىمىز راس. ەرينە, كەز كەلگەن ۇجىمدا مۇنداي جاعدايلار بولادى. قازٸر بٸز سونداي كٷي كەشٸپ وتىرمىز. فۋتبولشىلار دا, كلۋبتىڭ جۇمىسكەرلەرٸ دە شامالى داعدارىستى باستان ٶتكەرٸپ جاتىر. بٸز ۆلاديمير ۆالەرەۆيچكە قوستانايداعى ەڭبەگٸ ٷشٸن راحمەت ايتامىز. دەگەنمەن, «توبىلدىڭ» بيۋدجەتٸ بەرٸن كٶتەرە بەرمەيدٸ. بيۋدجەتتٸ وڭتايلاندىرۋ ەۋروپا ليگاسىنا دەيٸن دە قوزعالدى. كومانداعا ەۋروپا ليگاسىنىڭ ەكٸ كەزەڭٸنەن ٶتۋ مٸندەتٸ قويىلدى. مۇنان سوڭ بٸز ۋەفا تاراپىنان تٷسەتٸن تٶلەمدەرگە ٷمٸت ارتتىق. دەگەنمەن, بٸز بٸرٸنشٸ كەزەڭنەن ەرٸ اسا المادىق. قازٸر كلۋبتا شىعىندار قايتا ەسەپتەلٸپ جاتىر. كوماندا باسشىلىعى فۋتبولشىلارعا جۇمسالاتىن قارجىنى ازايتۋ تۋرالى ۇسىنىس ايتتى. الايدا, ۆلاديمير گاززاەۆ بۇل ۇسىنىستى قوشتامادى, مۇنان سوڭ ٶزٸ جۇمىستان كەتۋگە شەشٸم قابىلادى. ونىمەن بٸرگە كٶمەكشٸسٸ نيكولاي لاتىش تا كەتتٸ», - دەيدٸ نيكولاي پانين.
سونىمەن قاتار, كومانداداعى قيىن جاعدايدى ەسكەرگەن تەحنيكالىق ديرەكتور ۆلاديمير نيدەرگاۋس پەن باپكەر اندرەي ميروشنيچەنكو دا ٶز ەركٸمەن جۇمىستان كەتكەن. الايدا, قازٸر كوماندا قۇرامىنداعى فۋتبولشىلار جالاقىنىڭ تٶمەندەۋٸنە قارسىلىق بٸلدٸرمەگەن.
«ۆلاديمير گاززاەۆ سۇحباتىندا كوماندانىڭ «التىنعا» تالاساتىنىن ايتقان ەدٸ. بۇل دۇرىس ەمەس. قارجىلىق جاعدايدىڭ قيىنداعانى سونشالىق, چەمپيوندىق تۋرالى ەڭگٸمە بولعان ەمەس. جاقىندا «استانانىڭ» جىلدىق بيۋدجەتٸنٸڭ بٸزدەن ٷش ەسە جوعارى ەكەنٸن بٸلدٸك. بٸز بٸرٸنشٸ ورىن الۋ ٷشٸن ەۋەلٸ قۇرامدى كٷشەيتۋٸمٸز كەرەك. ال ول ٷشٸن قارجىنىڭ كەرەگٸ سٶزسٸز», - دەپ تٷيدٸ كلۋبتىڭ ديرەكتورى.
ەسكە سالساق, ەۋروپا ليگاسىنداعى سەتسٸز ويىننان سوڭ «توبىل» فۋتبول كلۋبىنىڭ باس باپكەرٸ ۆلاديمير گاززاەۆ جۇمىسىنان كەتكەن بولاتىن.
