بٷگٸن «استانا ارەنادا» 2019/2020 جىلعى ەۋروپا ليگاسىنا ٸرٸكتەۋ كەزەڭٸنٸڭ العاشقى راۋندى اياسىندا قوستانايدىڭ «توبىلى» ليۋكسەمبۋرگتىڭ «جٶنەسس ەش» كومانداسىن قابىلدادى, دەپ xابارلايدى قازاقپارات.
ويىننىڭ العاشقى مينۋتتارىنان-اق شارتتى تٷردە الاڭ يەلەرٸ سانالاتىن قوستانايلىقتار دوپتى باقىلاۋىندا ۇستاۋعا تىرىستى.
ال قوناقتار ولاردىڭ ەر قادامىن اڭدىپ, قارسى شابۋىلداردى ۇتىمدى پايدالانباق بولدى. قوناقتاردىڭ قىراعى قورعانىس شەبٸ «توبىلدىڭ» شابۋىلداۋشىلارىن بٸرشاما تۇساپ ۇستادى دا.
21-مينۋتا قوستانايلىقتاردىڭ سول قاناتتان ۇيىمداستىرعان شابۋىلىن ٶرەسكەل توقتاتقانى ٷشٸن گرەكييالىق تٶرەشٸ ەممانۋيل سكوۋلاس ايىپ دوبىن بەلگٸلەدٸ. ايىپ الاڭىنا اسىرىلعان دوپقا تالاس كەزٸندە قوناق كوماندانىڭ قورعاۋشىلارى «توبىلدىڭ» 8-نٶمٸردەگٸ قورعاۋشىسى ۆيكتور دميترەنكودان كٶز جازىپ قالدى. سونى ۇتىمدى پايدالانعان ۆيكتور جىلدامدىق تانىتىپ, ويىنداعى العاشقى گولدى سوقتى.
بٸرٸنشٸ تايمدا باسقا گول سوعىلعان جوق.
2-تايم دا تارتىستى بولدى. قوناقتاردىڭ سيرەك قارسى شابۋىلدارىنىڭ بٸرٸندە قوستانايلىقتار ايىپ الاڭىنىڭ ٸشٸندە ەرەجە بۇزدى. پەنالتيدٸ 59-مينۋتتا قوناقتاردىڭ 21-نٶمٸردەگٸ قورعاۋشىسى قالتقىسىز ورىنداپ, ەسەپتٸ تەڭەستٸردٸ.
ەش قالاسىندا ٶتكەن العاشقى ماتچتا 0-0 ەسەبٸ تٸركەلگەن بولاتىن. سىرت الاڭدا سوعىلعان گول ەرەجەسٸ بويىنشا, «جٶنەسس» كەلەسٸ كەزەڭگە جولداما الدى.
ايتا كەتەيٸك, «توبىل» فۋتبول كلۋبى باسپاسٶز قىزمەتٸنٸڭ مەلٸمدەۋٸنشە, قوستاناي ەۋەجايىندا جٶندەۋ جۇمىستارى جٷرگٸزٸلۋٸنە بايلانىستى, «توبىل» ەۋروپا ليگاسىنداعى ٶز الاڭىندا ٶتەتٸن ماتچىن «استانا ارەنادا» ٶتكٸزدٸ.
