مەملەكەت باسشىسى قاسىم-جومارت توقاەۆ كٶرنەكتٸ كينورەجيسسەر, جازۋشى, قازاقستاننىڭ ەڭبەك سٸڭٸرگەن قايراتكەرٸ, مەملەكەتتٸك سىيلىقتىڭ يەگەرٸ ساتىبالدى نارىمبەتوۆتٸڭ وتباسى مەن جاقىن تۋىستارىنا كٶڭٸل ايتتى.
بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا جازدى.
– ساتىبالدى جەلەلۇلى قازاق كينوسىندا ٶزٸندٸك قولتاڭباسى بار, سۋرەتكەرلٸك شەبەرلٸگٸن ۇدايى شىڭداپ وتىراتىن دارىندى رەجيسسەر ەدٸ. قوعامداعى كٷردەلٸ ٶزگەرٸستەردٸ, زاماننىڭ جاڭارعان كەلبەتٸن ەكران ارقىلى كٶرسەتە بٸلدٸ. شىعارماشىلىق ٸزدەنٸستەر نەتيجەسٸندە دٷنيەگە كەلگەن ەربٸر تۋىندىسى سىنشىلار مەن كٶرەرمەندەر تاراپىنان جوعارى باعاسىن الدى. سونداي-اق ەر جىلدارى جارىق كٶرگەن كٸتاپتارىن وقىرماندار جىلى قابىلدادى. وتاندىق كينو ٶنەرٸن جەنە رۋحاني-مەدەني سالانى دامىتۋعا مول ٷلەس قوسىپ, سوڭىنا جارقىن ٸز, ٶشپەس مۇرا قالدىرعان ساتىبالدى جەلەلۇلىنىڭ ەسٸمٸ مەن بەينەسٸ حالقىمىزدىڭ جادىندا ساقتالادى. مارقۇمنىڭ جانى جەنناتتا, يمانى سالامات بولسىن, – دەپ جازىلعان پرەزيدەنتتٸڭ جەدەلحاتىندا.
