قازاقستان تۇرعىندارى تۇرعىلىقتى جەرٸ بويىنشا تٸركەلگەنٸ تۋرالى مەلٸمەتتٸ eGov.kz پورتالى مەن eGov Mobile موبيلدٸ قوسىمشاسى ارقىلى الا الادى. بۇل تۋرالى «ۇلتتىق اقپاراتتىق تەحنولوگييالار» اق-نىڭ باسپاسٶز قىزمەتٸ مەلٸمدەدٸ, دەپ حابارلايدى ult.kz.
اتالعان سەرۆيس مەملەكەتتٸك ورگاندارعا بارماي-اق تۇرعىلىقتى جەر بويىنشا تٸركەلۋ تۋرالى اقپارات الۋعا مٷمكٸندٸك بەرەدٸ. ەگەر مەلٸمەتتٸ ٷشٸنشٸ تۇلعا سۇراتسا, وندا دەرەكتەرٸ سۇرالاتىن ازاماتتىڭ كەلٸسٸمٸ مٸندەتتٸ تٷردە قاجەت.
قىزمەتتٸ پايدالانۋ ٷشٸن:
eGov.kz پورتالىنا اۆتوريزاتسييادان ٶتۋ;
«ٷشٸنشٸ تۇلعالاردىڭ تۇرعىلىقتى جەرٸ بويىنشا مەكەنجاي مەلٸمەتتەرٸن الۋ سەرۆيسٸ» قىزمەتٸن تاڭداۋ;
ازاماتتىڭ جسن-ٸن ەنگٸزۋ;
سۇرانىستى ەلەكتروندىق تسيفرلىق قولتاڭبانىڭ (ەتسق) قولجەتٸمدٸ تەسٸلدەرٸنٸڭ بٸرٸمەن راستاۋ قاجەت.
ازامات كەلٸسٸم بەرگەننەن كەيٸن سۇراتىلعان مەلٸمەتتەر پايدالانۋشىنىڭ جەكە كابينەتٸندە قولجەتٸمدٸ بولادى.
ەسكە سالايىق, قازاقستاندا 2019 جىلعى 1 قاراشادان باستاپ مەكەنجاي انىقتامالارىنىڭ كٷشٸ جويىلدى. سوندىقتان تۇرعىلىقتى جەرٸ بويىنشا تٸركەلۋ تۋرالى مەلٸمەت قاجەت بولعان جاعدايدا ازاماتتارعا وسى ەلەكتروندىق قىزمەتتٸ پايدالانۋ ۇسىنىلادى.
سونىمەن قاتار, جالعا الىنعان پەتەردە نەمەسە ٷيدە 10 كٷننەن ارتىق تۇراتىن ازاماتتار ۋاقىتشا تٸركەۋگە تۇرۋعا مٸندەتتٸ.
تۇرعىنداردى تٸركەۋگە كٸم مٸندەتتٸ?
«تۇرعىن ٷي قاتىناستارى تۋرالى» قازاقستان رەسپۋبليكاسىنىڭ زاڭىنا سەيكەس, جالعا بەرٸلەتٸن تۇرعىن ٷيدە 10 كٷننەن استام تۇراتىن ازاماتتاردى تٸركەۋ مٸندەتٸ جالعا بەرۋشٸگە جٷكتەلەدٸ.
جالعا بەرۋشٸ رەتٸندە تەك تۇرعىن ٷيدٸڭ مەنشٸك يەسٸ عانا ەمەس, ونىڭ ٶكٸلٸ نەمەسە تۇرعىن ٷيدٸ جالعا الىپ, ونى قوسالقى جالعا (سۋبارەنداعا) بەرەتٸن ازامات تا ەرەكەت ەتە الادى. بۇل تالاپ 2017 جىلى تەرروريزمگە قارسى زاڭنامالىق تٷزەتۋلەر ەنگٸزٸلگەننەن كەيٸن كٷشٸنە ەندٸ.
جالعا بەرۋشٸلەرگە قانداي ايىپپۇل قاراستىرىلعان?
تۇرعىنداردى ۋاقىتىندا تٸركەمەگەن جاعدايدا:
العاش رەت – 10 اەك (43 250 تەڭگە) كٶلەمٸندە ايىپپۇل;
بٸر جىل ٸشٸندە قايتالانسا – 20 اەك (86 500 تەڭگە) كٶلەمٸندە ايىپپۇل سالىنادى.
جالعا الۋشىلارعا دا جاۋاپكەرشٸلٸك قاراستىرىلعان
ۋاقىتشا نەمەسە تۇراقتى تٸركەۋسٸز تۇراتىن ازاماتتار دا ەكٸمشٸلٸك جاۋاپكەرشٸلٸككە تارتىلادى.
قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 492-بابىنا سەيكەس:
العاش رەت – 7 اەك (30 275 تەڭگە) كٶلەمٸندە ايىپپۇل;
بٸر جىل ٸشٸندە قايتالانسا – 13 اەك (56 225 تەڭگە) كٶلەمٸندە ايىپپۇل سالىنادى.
