رەسەيلٸك رەپەر تيماتي (تيمۋر يۋنۋسوۆ) گۋفپەن (الەكسەي دولماتوۆ) بٸرگە تٷسٸرگەن «مەسكەۋ» كليپٸن YouTube جەلٸسٸنەن ٶشٸرٸپ تاستادى. قالا كٷنٸ مەسكەۋ قالالىق دۋماسى سايلاۋىنىڭ قارساڭىندا جارييالانعان ۆيدەو رەسەيلٸك YouTube-تا ەڭ كٶپ ديزلايك جيناعان ۆيدەو بولدى. 7 قىركٷيەكتە شىققان كليپكە 62 مىڭنان اسا ادام – لايك, 1 ميلليون 400 مىڭ ادام ديزلايك قويعان.
رەسەيلٸك جەلٸ قولدانۋشىلارى تيماتي كليپٸندەگٸ «ميتينگٸلەرگە بارمايمىن, دالباسالامايمىن», «[مەسكەۋ مەرٸ سەرگەي] سوبيانيننٸڭ دەنساۋلىعى ٷشٸن بۋرگەردٸ سوعىپ الامىن» جەنە «بۇل – گەي-پاراد ٶتكٸزبەيتٸن قالا» دەگەن سٶزدەرٸن سىنعا العان. كٶرەرمەندەر «كليپتٸ بيلٸك تاپسىرىسى» دەپ, رەپەرلەردٸ «ساتىلىپ كەتتٸ» دەپ ايىپتاعان.
ۆيدەونى ٶشٸرگەنگە دەيٸن تيماتي Instagram پاراقشاسىنا «توقتاۋسىز نەگاتيۆتٸ دوعارۋ ٷشٸن» ۆيدەونى ٶشٸرگەلٸ جاتقانىن جازعان. تيماتي «كليپ ٷشٸن ۇيالمايمىن. ەشقانداي اقشا العام جوق. بيزنەسٸمدٸ قۇتقارىپ جاتقان جوقپىن. ەشكٸمدٸ رەنجٸتكٸم كەلمەدٸ» دەدٸ. «جاستار اراسىندا بيلٸكتٸ سٶگۋ سەنگە اينالىپ كەتتٸ» دەگەن رەپەر ٶزٸنٸڭ «مەسكەۋ مەرٸن شەكسٸز قۇرمەتتەيتٸنٸن» ايتقان. كليپتەگٸ ميتينگٸلەر تۋرالى سٶزدەر جايلى پٸكٸر بٸلدٸرگەن ول «نارازىلىققا شىعاتىنداردىڭ جارتىسى ساياسي شارالارعا قاتىسقانىنا اقشا الادى. ولاردىڭ ايلىق الىپ وتىرعان كۋراتورلارى, ۇيىمداستىرۋشىلارى بار. مۇنىڭ بەرٸن كٸم قارجىلاندىراتىنىن ۇعۋ قيىن ەمەس» دەدٸ.
رەپەر گۋف كليپ ٷشٸن تىڭدارماندارىنان كەشٸرٸم سۇراعان. ول ۆيدەو جارييالانعان سوڭ ٶزٸنە قاتىستى ايتىلعان سىننىڭ كٶپتٸگٸنە تاڭقالعاننىن جازدى. «قالالىق دۋما سايلاۋ تۋرالى بٸلگەم جوق. ماعان تەك «قالانى قۇتتىقتا» دەپ ەدٸ» دەدٸ گۋف.
كەيبٸر قولدانۋشىلار كليپتەگٸ مەسكەۋ كٶرٸنٸستەرٸن بيىل قالادا ٶتكەن نارازىلىق كادرلارىمەن الماستىرىپ قويعان.
رەپەر تيماتي رەسەي پرەزيدەنتٸ ۆلاديمير پۋتيندٸ قولدايدى. 2012 جىلى ٶتكەن پرەزيدەنت سايلاۋىندا رەپەر «نەگە مەن پۋتينگە داۋىس بەرەمٸن?» روليگٸنە تٷسكەن. 2018 جىلعى سايلاۋدا تيماتي پۋتيننٸڭ سەنٸمدٸ ٶكٸلٸ بولدى.
ەكٸ رەپەردٸڭ كليپٸ 8 قىركٷەيەكتە ٶتكەن مەسكەۋ قالالىق دۋماسى سايلاۋىنىڭ قارساڭىندا جارييالاندى. سايلاۋ كوميسسيياسىنىڭ تەۋەلسٸز ساياساتكەرلەردٸ كانديدات رەتٸندە تٸركەمەي قويۋى سوڭعى جىلدارداعى ەڭ اۋقىمدى نارازىلىق اكتسييالارىنا ۇلاسقان. بٸر ايدان استام ۋاقىت ارالىعىندا شامامەن ٷش مىڭعا جۋىق ادام ۇستالعان. پوليتسييا نارازىلىق بٸلدٸرگەندەردٸ كٷشپەن ۇستاپ, ونداعان ادامدى جازالادى. مەسكەۋدٸڭ نارازىلارعا تانىتقان رەاكتسيياسىن حالىقارالىق ۇيىمدار سىنعا العان.
