حالىقارالىق وليمپيادا كوميتەتٸ (حوك) سپرينتەر كريستينا تيمانوۆسكايانى توكيو وليمپياداسىنان ەلٸنە كٷشپەن قايتارۋعا تىرىستى دەپ ايىپتالعان ەكٸ بەلورۋس ترەنەرٸن اككرەديتاتسييادان ايىردى.
حوك 6 تامىزدا Twitter-دە تاراتقان حابارلاماسىندا "توكيودا ەلٸ ٶنەر كٶرسەتٸپ جاتقان بەلورۋس سپورتشىلارىنىڭ مٷددەسٸ ٷشٸن" وسىنداي قادامعا بارىپ وتىرعانىن جازدى.
اقپاراتقا قاراعاندا, حوك بەلورۋس ترەنەرلەرٸ ارتۋر شۋماك جەنە يۋريي مايسەۆيچتەن وليمپيادا قالاشىعىنان تەز ارادا كەتۋدٸ تالاپ ەتكەن جەنە ولار تالاپتى ورىنداعان. تيمانوۆسكايامەن بولعان وقيعانى انىقتاۋ ٷشٸن حوك تەرتٸپتٸك كوميسسييا قۇرعان. كوميسسييا شۋمان مەن مايسەۆيچتٸڭ سپورتشىعا "قىسىمىن" دا زەرتتەۋٸ تيٸس.
"ولارعا ٶز پٸكٸرٸن ايتۋعا مٷمكٸندٸك بەرٸلەدٸ" دەلٸنگەن مەلٸمدەمەدە.
قازٸر ۆارشاۆادا جٷرگەن تيمانوۆسكايانىڭ سٶزٸنە قاراعاندا, ول ترەنەرلەردٸڭ بەلارۋسكە ورالۋ تۋرالى بۇيرىعىن ورىنداۋدان باس تارتقان. تيمانوۆسكايا ەلەۋمەتتٸك جەلٸدە بەلارۋستٸڭ سپورت شەنەۋنٸكتەرٸن سىناپ جازعانى ٷشٸن قۋدالاۋعا ۇشىرايمىن با دەپ قورىققان.
24 جاستاعى سپورتشى پولياك ديپلوماتتارىنىڭ قورعاۋىمەن ۆارشاۆاعا جەتكەن. جاقىن ارادا بوسقىن مەرتەبەسٸن بەرۋ جٶنٸندە ٶتٸنٸش تٷسٸرەدٸ. 5 تامىز كٷنگٸ باسپاسٶز جيىنىندا تيمانوۆسكايا پولشاعا كٶمەگٸ ٷشٸن العىس ايتىپ, "قاۋٸپسٸز بولعان كەزدە" بەلارۋسكە ورالۋدان ٷمٸتتٸ ەكەنٸن جەتكٸزدٸ.
