قازاقستان رەسپۋبليكاسىندا تٸلدەردٸ دامىتۋ مەن قولدانۋدىڭ 2011-2020 جىلدارعا ارنالعان مەملەكەتتٸك باعدارلاماسىندا مەملەكەتتٸك تٸلدٸ ٷيرەتۋ ٷدەرٸسٸنە جاڭا اقپاراتتىق تەحنولوگييالاردى ەنگٸزۋ قاجەتتٸگٸ باسا كٶرسەتٸلگەن بولاتىن. «تٸل ەلەمٸ» پورتالىنىڭ «Atau.kz» ونوماستيكالىق, «Emle.kz» ورفوگرافييالىق, «Termincom.kz» تەرمينولوگييالىق سايتىنىڭ ٸسكە قوسىلۋى ينتەرنەت كەڭٸستٸگٸندەگٸ تٸلدٸك كونتەنتتٸڭ كٶبەيۋٸنە, مەملەكەتتٸك تٸلدٸ قاشىقتان ٷيرەنۋشٸلەر قاتارىنىڭ ٶسۋٸنە مٷمكٸندٸك جاسايدى.
«تٸل ەلەمٸ» پورتالى تٸلدٸڭ ەلەۋمەتتٸك, قوعامدىق قۇبىلىس رەتٸندەگٸ قىزمەتٸن مەيلٸنشە تولىق قامتيدى. پورتالدىڭ مازمۇنى قوعامداعى تٸلدٸك سۇرانىستارعا وراي 1)تۇعىر; 2)اقپارات; 3)ەدٸس; 4)تٸل رايى; 5)تارتۋ; 6)تولعانىس; 7) ورتا تاقىرىبىنداعى 7 بلوكقا توپتاستىرىلدى.
«تۇعىر» بلوگى «باسقى بەت» قىزمەتٸن اتقارادى. مۇندا پورتالدىڭ قۇرىلىم اتاۋلارى, باسقا سايتتارعا سٸلتەمەلەر ورنالاستىرىلعان. تٸل جاڭالىقتارى, مينيسترلٸك, كوميتەت تاراپىنان جٷرگٸزٸلٸپ جاتقان جۇمىستار جٶنٸندە حابارلار «اقپارات» بلوگىندا بەرٸلسە, «ەدٸس» بلوگىندا قازاق, ورىس جەنە اعىلشىن تٸلدەرٸن وقىتۋعا ارنالعان ەدٸستەمەلٸك ەڭبەكتەر ورنالاستىرىلدى. بلوكتىڭ «عالىمنان كەڭەس», «ەدٸسكەرگە كٶمەك» مودۋلدەرٸ ارقىلى ەربٸر قولدانۋشى جالپى تٸلگە جەنە تٸل ٷيرەنۋگە قاتىستى كەسٸبي, عىلىمي, ەدٸستەمەلٸك كٶمەك الادى.
«تارتۋ» بلوگىنان كوميتەتتٸڭ تاپسىرىسى بويىنشا شىعارىلىپ جاتقان باسپا ٶنٸمدەرٸنٸڭ جەنە «تٸل جەنە قوعام», «تۋعان تٸل» الماناحتارىنىڭ, «بالاپان ەلەمٸ» جۋرنالىنىڭ, «ونوماستيكالىق حابارشى», «تەرمينولوگييالىق حابارشى» بيۋللەتەندەرٸنٸڭ ەلەكتروندى نۇسقالارىن دا وقۋعا بولادى.
«تٸل رايى» بلوگى مەملەكەتتٸك تٸلدە جارناما مەتٸندەرٸندەگٸ قاتەلەرگە, تەلە جەنە راديو تٸلشٸلەرٸنٸڭ سٶز قولدانىسىنداعى ولقىلىقتارعا نازار اۋدارىپ, ولاردى تٷزەتۋگە, تٸلدٸك نورمالاردى ساقتاۋعا باعىتتالعان.
ال «تولعانىس» بلوگىندا مەملەكەتتٸك تٸل تاقىرىبىنداعى عىلىمي, عىلىمي-كٶپشٸلٸك, پۋبليتسيستيكالىق ماقالالار, پورتالدى قولدانۋشىلار تاراپىنان ۇسىنىلاتىن وي-پٸكٸرلەر, ۇسىنىستار ورىن السا, «ورتا» بلوگىندا پورتال تۋرالى اقپارات, بايلانىس, مەكەنجاي كارتاسى, نەگٸزگٸ بلوكتاردا كٶرسەتٸلگەن جوبالارعا تٸكەلەي كٸرۋگە مٷمكٸندٸك الۋ ٷشٸن تاقىرىپتىق انيماتسييالىق قيىندىلار ورنالاستىرىلعان.
«Termincom.kz» ەلەكتروندىق سايتى «بەكٸتٸلگەن تەرميندەر», «تەرميندەر حرونولوگيياسى», «قولدانىستاعى سالالىق تەرميندەر», «ويتالقى», «قۇقىقتىق-نورماتيۆتٸك بازا», «عىلىمي-ەدٸcتەمەلٸك نەگٸزدەر» جەنە «ٸزدەۋ» بلوكتارىنان تۇرادى. «بەكٸتٸلگەن تەرميندەر» بلوگىندا رەسپۋبليكالىق تەرمينولوگييالىق كوميسسيياسىندا ماقۇلدانعان تەرميندەر ورنالاستىرىلسا, «تەرميندەر حرونولوگيياسىندا» تەرميندەردٸڭ بەكٸتٸلۋ مەرزٸمدەرٸ جەنە ولاردىڭ سٶزدٸك رەتٸندە جارىق كٶرۋٸنەن مەلٸمەتتەر بەرٸلەدٸ. «قولدانىستاعى سالالىق تەرميندەر» بلوگىندا رەسپۋبليكالىق تەرمينولوگييا كوميسسيياسىنىڭ ماقۇلداۋىمەن جارىق كٶرگەن تەرمينولوگييالىق سٶزدٸكتەر سالىندى. «ويتالقى» ايدارىندا بەكٸتۋگە ۇسىنىلاتىن تەرميندەرگە قاتىستى ەربٸر وقىرمان ٶز وي-پٸكٸرٸن قالدىرا الادى. «عىلىمي-ەدٸستەمەلٸك نەگٸزدەر» بلوگىندا تەرمينجاسام مەسەلەلەرٸنە قاتىستى ەڭبەكتەر ۇسىنىلىپ وتىر.
«Atau.kz» ونوماستيكالىق ەلەكتروندىق سايتى «قۇقىقتىق-نورماتيۆتٸك بازا», «عىلىمي-تەجٸريبەلٸك نەگٸزدەر» جەنە «ٸزدەۋ» بلوكتارىنان تۇرادى. «قۇقىقتىق-نورماتيۆتٸك بازادا» سالاعا قاتىستى قۇقىقتىق نەگٸزدەگٸ قۇجاتتار توپتاستىرىلعان. «عىلىمي-تەجٸريبەلٸك نەگٸزدەرٸ» بلوگىندا ونوماستيكالىق اتاۋلاردىڭ تاريحى, ەتيمولوگيياسى, جاسالۋ ەرەكشەلٸكتەرٸ تۋرالى تانىمدىق سيپاتتاعى عىلىمي جەنە عىلىمي-كٶپشٸلٸك, انىقتامالىق ەدەبيەتتەر مەن ماقالالار ۇسىنىلادى. «ٸزدەۋ» بلوگى ارقىلى اتالعان قوردى پايدالانۋشى ٶزٸنە قاجەتتٸ ونوماستيكالىق اقپاراتتى تەرٸپ, سۇرانىسىن قاناعاتتاندىرادى.
«Emle.kz» سايتى قازاقشا دۇرىس جازۋ, سٶزدٸ دۇرىس ايتۋ, جۇرتشىلىقتىڭ تٸل مەدەنيەتٸن كٶتەرۋ ماقساتىندا قۇرىلدى. سايتتىڭ «ەدەبي تٸل نورمالارى» بلوگىندا سٶز سازى, ونىڭ كٶركەم ەدەبيەت پەن ٶمٸردەگٸ ماڭىزى, ەرەجەلەرٸ مەن قاعيدالارى بەرٸلسە, «ورفوگرافييا» بلوگىندا سٶزدەردٸڭ دۇرىس جازىلۋ ەرەجەلەرٸ بەرٸلەدٸ. سونداي-اق كٸرمە سٶزدەر مەن تەرميندٸك مەنگە يە سٶزدەردٸڭ بۇرىنعى جەنە قازٸرگٸ جازىلۋ بارىسىنداعى ايىرماشىلىقتارى سالىستىرمالى تٷردە كٶرسەتٸلەدٸ. «پۋنكتۋاتسييا» بلوگىندا تىنىس بەلگٸلەردٸڭ قويىلۋ رەتٸنە بايلانىستى ەرەجەلەر ەنگٸزٸلسە, «اببرەۆياتۋرا» بلوگىندا قىسقارعان سٶزدەر, ولاردىڭ تولىق اتاۋلارى, قىسقارىلۋ رەتٸ, اتاۋلار مەن سٶزدەردٸ قىسقارتۋ بارىسىندا باسشىلىققا الىناتىن قاعيدالار مەن سٷيەنەتٸن زاڭدىلىقتار كەلتٸرٸلەدٸ. «ماقالالار» بلوگىندا عالىمداردىڭ وسى سالا نەگٸزٸندە جازىلعان عىلىمي ماقالالارى بەرٸلەدٸ. ەربٸر ماقالادان كەيٸن پٸكٸر قالدىراتىن ورىن بولادى. سول ارقىلى وقىرمان اۆتوردىڭ ٶزٸنە, ماقالاسىنا قاتىستى سۇراقتار قويىپ, جاۋاپ الادى. وقىرمان ونلاين رەجيمٸندە ورفوگرافيياعا قاتىستى تۋىنداعان سۇراقتارىن قويا الادى. ەربٸر قويىلعان سۇراققا بٸلٸكتٸ مامانداردىڭ كٶمەگٸمەن تولىققاندى جاۋاپ بەرٸلەدٸ.
بۇل جوبالاردىڭ ٸسكە قوسىلۋى مەملەكەتتٸك تٸلدٸڭ قولدانىلۋ اياسىن كەڭەيتۋگە, تٸل ٷيرەتۋدٸڭ تيٸمدٸ ەدٸستەرٸن تاراتۋعا قولايلى جاعداي جاسايدى. پورتال مەن سايتتى تۇتىنۋشى تٸل بٸلٸمٸنٸڭ كەز كەلگەن سالاسى بويىنشا تۋىنداعان سۇراقتارىنا جاۋاپ الۋ مٷمكٸندٸگٸنە يە بولادى. تٸل مەسەلەسٸنە قاتىستى عىلىمي ەڭبەكتەر مەن ماقالالاردىڭ, سيرەك كەزدەسەتٸن كٶركەم جەنە ەدٸستەمەلٸك ەدەبيەتتەردٸڭ قول جەتٸمدٸلٸگٸ, كەي تارتىستى ساۋالدارعا ماماندار تاراپىنان بەرٸلگەن تولىققاندى جاۋاپ ازاماتتاردىڭ تٸل مەدەنيەتٸن كٶتەرٸپ, تٸلدٸك ساۋاتتىلىعىن ارتتىرارى سٶزسٸز.
