استانا تۇرعىنى TikTok ەلەۋمەتتٸك جەلٸسٸ ارقىلى ۇلىبريتانيياعا جۇمىسقا ورنالاستىرۋعا كٶمەكتەسەتٸنٸن ايتىپ, ازاماتتاردى الداپ كەلگەنٸ ٷشٸن سوتتالدى, دەپ حابارلايدى ult.kz.
تەرگەۋ مەلٸمەتٸنشە, ەر ادام ەلەۋمەتتٸك جەلٸدە انگلييادا جۇمىسقا ورنالاستىرۋ تۋرالى جارنامالار جارييالاپ, قىزىعۋشىلىق تانىتقان ازاماتتارعا كەڭەس بەرٸپ, ساۋالناما تولتىرعان. كەيٸن قۇجاتتاردى رەسٸمدەۋ سىلتاۋىمەن ولاردان اقشا اۋدارۋدى تالاپ ەتكەن.
الايدا قاراجاتتى العاننان كەيٸن ۋەدە ەتٸلگەن قىزمەتتەردٸ كٶرسەتپەي, جەبٸرلەنۋشٸلەرمەن بايلانىسىن ٷزگەن.
ونىڭ ەرەكەتٸنەن 10 ادام زارداپ شەگٸپ, كەلتٸرٸلگەن جالپى ماتەريالدىق شىعىن 1 ميلليون تەڭگەدەن اسقان.
سوت ەر ادامدى الاياقتىق جاساعانى ٷشٸن كٸنەلٸ دەپ تانىپ, 3 جىل 6 اي مەرزٸمگە پروباتسييالىق باقىلاۋمەن باس بوستاندىعىن شەكتەۋ جازاسىن تاعايىندادى.
سونداي-اق سوت ٷكٸمٸنە سەيكەس, وعان پروباتسييا قىزمەتٸنٸڭ كەلٸسٸمٸنسٸز تۇرعىلىقتى جەرٸ مەن جۇمىس ورنىن اۋىستىرۋعا, ويىن-ساۋىق ورىندارىنا بارۋعا تىيىم سالىندى. ەگەر سوتتالعان ازامات جۇمىسسىز بولسا, جىل سايىن 100 ساعات مەجبٷرلٸ ەڭبەككە تارتىلاتىن بولادى.
ەسكە سالايىق, بۇعان دەيٸن استانادا ينتەرنەت ارقىلى «جەڭٸل تابىس» ٸزدەپ, ٶز اتىنا اشىلعان بانك شوتىنىڭ دەرەكتەرٸن بٶگدە ادامدارعا بەرگەن تۇرعىنعا 216 مىڭ تەڭگە ايىپپۇل سالىنعان بولاتىن. تەرگەۋ مەلٸمەتٸنشە, ونىڭ بانكتٸك شوتى كريپتوۆاليۋتا وپەراتسييالارىن جٷرگٸزۋ ٷشٸن پايدالانىلعان.
