جۇمىس كەڭسەدەن ٷيگە اۋىسقان كەزدە, جاعداي دا ٶزگەرەدٸ. مۇنداي كەزدە جۇمىس ٶنٸمدٸلٸگٸ مەن دەنساۋلىقتى ساقتاپ قالۋ ٷشٸن نە ٸستەۋ كەرەك? وسىنداي سۇراقتارعا قاتىستى تەجٸريبەلٸ فريلانسەر ٶز كەڭەسٸن ايتتى, دەپ حابارلايدى The Wall Street Journal.
اۆتوردىڭ ايتۋىنشا, كوروانۆيرۋس پاندەميياسى كەزٸندە كٶپتەگەن ادام ٷيدەن جۇمىس ٸستەۋ مەسەلەسٸمەن العاش رەت بەتپە-بەت جولىقتى. ماقالا اۆتورى ٶزٸنٸڭ 22 جىل ٷيدە جۇمىس ٸستەگەنٸن جەنە سوڭعى تٶر جىلدا كٷيەۋٸنٸڭ دە قاشىقتان جۇمىس ٸستەۋگە كٶشكەنٸن ايتا كەلە, وقىرماندارمەن ٶز تەجٸريبەسٸمەن بٶلٸسەدٸ.
«بٸرٸنشٸدەن, ٷيدەن جۇمىس ٸستەگەن كەزدە 8 ساعاتتىق جۇمىس كٷنٸن ۇمىتىڭىز. كەڭسەدەگٸ جۇمىستا بۇل ساعاتتاردىڭ كٶبٸ جينالىسقا, ەرٸپتەستەرمەن ەڭگٸمەلەسۋگە, كەزدەيسوق ٷزٸلٸسككە كەتەدٸ. ياعني, كەڭسەدەگٸ 8 ساعاتتا اتقارلاتىن جۇمىستى ٷيدە بەس ساعاتتا اياقتاۋعا بولادى. ەكٸنشٸدەن, كٷنٸنە ٷش مٸندەت قانا جوسپارلاۋ قاجەت. بۇل ەسٸرەسە جۇمىس كەستەسٸن قاجەت ەتپەيتٸن ماماندىق يەلەرٸ ٷشٸن جاقسى. ياعني, بٸر كٷنگە جوسپارلانعان بٸرنەشە جۇمىس اياقتالعاندا جۇمىس تا بٸتتٸ دەگەن سٶز», - دەپ جازادى اۆتور.
ماقالادا اۆتور ۋاقىت باسقارۋدىڭ جاڭا فورماتىنا كٶشۋدٸ ۇسىنادى. مىسالى, Timing.app نەمەسە ManicTime سەكٸلدٸ كومپيۋتەرگە ارنالعان باعدارلامالاردى پايدالانۋعا بولادى. بۇل قوسىمشا جۇمىس ۋاقىتىن ەسەپتەپ وتىرادى.
«تابيعي ەنەرگەتيكالىق تسيكلدى ساقتاڭىز. تٷنٸ بويى جۇمىس ٸستەپ, ەرتەڭٸندە شارشاپ جٷرۋ ەشكٸمگە دە قاجەت ەمەس. سونىمەن قاتار ەرٸپتەستەرمەن قارىم-قاتىناستى ساقتاپ قالۋ دا ماڭىزدى. سول سەبەپتٸ ولارمەن جۇمىس بارىسىن تالقىلاعاننان كەيٸن 5-10 مينۋت ەڭگٸمەلەسۋگە دە بولادى. تاعى بٸر ايتا كەتەرلٸگٸ, ٷيدە جۇمىس ٸستەگەندە فيزيكالىق بەلسەندٸلٸك تٶمەندەيدٸ. سول سەبەپتٸ قادام ٶلشەيتٸن باعدارلامالاردى قولدانىپ, كٶپ قيمىلداۋعا تىرىسۋ كەرەك», - دەپ جازادى اۆتور.
