رەسەي پرەزيدەنتٸ ۆلاديمير پۋتيننٸڭ جارلىعىمەن جارييالانعان "ٸشٸنارا" موبيليزاتسييا بويىنشا ەسكەرگە الىنعان, بٸراق العى شەپكە بارۋدان باس تارتقان 21 ادام ۋكراينانىڭ دونەتسك وبلىسى زاۆيتنە باجاننيا كەنتٸندەگٸ جەرتٶلەگە قامالعان. بۇل جٶنٸندە The Insider قاماۋداعىلاردىڭ تۋىستارىنا سٸلتەپ حابارلادى. جاقىندارىنىڭ سٶزٸنە قاراعاندا, موبيليزاتسييالانعاندارعا العى شەپكە بارۋدان باس تارتقانداردىڭ اتىلاتىنى ەسكەرتٸلگەن, دەپ جازادى ازاتتىق.
The Insider جەرتٶلەدە وتىرعانداردىڭ بٸرٸنٸڭ ەيەلٸ ەلەنا كاشينانىڭ اتى-جٶنٸن اشىق جارييالاعان. ونىڭ سٶزٸنشە, 33 جاستاعى كٷيەۋٸ بۇرىن ەسكەردە بولعان, بٸراق گاراجدا بتر جٶندەۋمەن شۇعىلدانعان, ەسكەري بيلەتٸنە دە سولاي جازىلعان. پوليگونداعى دايىندىق كەزٸندە اۆتوماتپەن بٸر-اق رەت اتقىزعان, وندا دا جارامسىز اۆتومات بولىپ شىققان. بٸر رەت وكوپ قازىپ كٶرسەتٸپ, مايدانعا جٸبەرگەن. مايداندا ٶزگە جاۋىنگەرلەرمەن بٸرگە قارسىلاس شەبٸن باسىپ الۋ ٷشٸن شابۋىلعا قوسقان. بٸراق ول ادام ٶلتٸرگٸسٸ كەلمەيتٸنٸن ايتىپ, بۇيرىقتى ورىنداۋدان باس تارتقان.
جەرتٶلەدە قاماۋدا وتىرعان ٶزگە دە ادامداردىڭ تۋىستارىنىڭ سٶزٸنە قاراعاندا, العى شەپتەن باس تارتقاندارعا تاماق تا, گيگيەنالىق زاتتار دا بەرٸلمەيدٸ. تۋىستارى رەسەي تەرگەۋ كوميتەتٸنە شاعىمدانعانىمەن جاۋاپ الا الماعان.
The Insider مەلٸمەتٸنشە, جەرتٶلەدەگٸ سەگٸز ادام موبيليزاتسييادان بۇرىن "دالپوليمەتالل تاۋ-كەن مەتاللۋرگييا كەشەنٸندە" جۇمىس ٸستەگەن. قورعانىس كەسٸپورنىنىڭ جۇمىسشىلارى بولعاندىقتان, ولارعا برون دا بەرٸلگەن.
ايتا كەتەيٸك, رەسەي تاراپى ۇرىس قيمىلدارىنا قاتىسۋدان باس تارتقاندارعا تٷرلٸ قورقىتۋ-ٷركٸتۋ تەسٸلدەرٸن قولداناتىنى تۋرالى باق-تاردا بٸرنەشە رەت ايتىلعان. شٸلدەدە "ناستوياششەە ۆرەميا" تەلەارناسى ونداعان سولدات لۋگانسك وبلىسىنداعى جەرتٶلەدە قاماۋدا وتىرعانىن حابارلاعان. بۇل اقپاراتتى كەيٸن رف پرەزيدەنتٸ جانىنداعى ادام قۇقىعى كەڭەسٸنٸڭ مٷشەلەرٸ راستاعان.
