شىمكەنت پوليتسيياسىنىڭ عيماراتىندا كٶز جۇمعان قوستانايلىقتى ۇستاعان سەت تاسپالانعان بەينەجازبا جارييا بولدى.
قوعامدىق رەزونانس تۋدىرعان وقيعاعا قاتىستى ۆيدەونى ميحايل كوزاچكوۆ ەسٸمدٸ جۋرناليست Telegram-ارناسىندا بٶلٸسكەن, دەپ حابارلادى Sputnik اگەنتتٸگٸ "استانا" ارناسىنا سٸلتەمە جاساپ.
اۆتور بەينەباقىلاۋ كامەراسىنا جازىلعان ەكٸ ۆيدەونى جارييالاعان. ونىڭ بٸرٸنشٸسٸ دەمحانا سىرتىندا تٷسٸرٸلگەن. وندا دەمحانا الدىندا نۇربولات جۇماباەۆتىڭ الاڭسىز تەلەفونمەن سٶيلەسٸپ جٷرگەنٸن كٶرۋگە بولادى. كەنەتتەن وعان ارنايى جاساقتىڭ بٸرنەشە قىزمەتكەرٸ تاپ بەرگەن. جەرگە جاتقىزىپ, قولىن قايىرىپ, تەپكٸلەگەندەرٸ انىق بايقالادى.
ال ەكٸنشٸ ۆيدەودا جايباراقات تاماقتانىپ وتىرعان ونىڭ دوسى سەرگەي پەتروۆتى ارنايى جاساق دەمحانا ٸشٸندە ۇستاعانى جازىلىپ قالعان. كٷدٸكتٸلەر پوليتسيياعا ەش قارسىلاسپاعانى كٶرٸنەدٸ.
ەسكە سالا كەتەيٸك, 8 جەلتوقساندا شىمكەنتتەگٸ پوليتسييا دەپارتامەنتٸنٸڭ عيماراتىندا تەرگەۋگە جەتكٸزٸلگەن 31 جاستاعى نۇربولات جۇماباەۆ كٶز جۇمدى. پوليتسييا مارقۇمدى دوسىمەن بٸرگە شەتەل كٶلٸگٸنٸڭ ۇرلىعىنا قاتىسى بولۋى مٷمكٸن دەگەن كٷدٸكپەن ۇستاعان بولاتىن. مەيٸتحانادا جٷرگٸزٸلگەن سوت-مەديتسينا ساراپتاماسى قوستانايلىق ازاماتتىڭ پوليتسييا سوققىسىنان قايتىس بولعانىن دەلەلدەپ بەرگەن. قازٸر اتالعان فاكتٸگە قاتىستى تەرگەۋ جالعاسىپ جاتىر.
