قازاقستاندىق ەلەنا رىباكينا قىتايداعى گۋانجچوۋ WTA تۋرنيرٸنٸڭ ەكٸنشٸ اينالىمىنا ٶتە المادى, دەپ حابارلايدى "ۇلت اقپارات".
ە.رىباكينا العاشقى اينالىمدا وسى تۋرنيردٸڭ بەسٸنشٸ, ەلەمنٸڭ 38-راكەتكاسى, چەحييالىق كاتەرينا سينياكوۆامەن كٷش سىناستى.
ٶتكەن اپتادا قىتايداعى نانچان جارىسىنىڭ فينالىنا دەيٸن جەتكەن قازاقستاندىق تەننيسشٸ كەشە دٷنيەجٷزٸلٸك رەيتينگتە 69-دان 49-ورىنعا كٶتەرٸلٸپ, ٶز سپورتتىق جولىندا العاش رەت ٷزدٸك ەلۋ تەننيسشٸنٸڭ قاتارىنا قوسىلعان ەدٸ.
بۇل جولى بٸرٸنشٸ پارتييادا چەحييالىق سپورتشى ايقىن باسىمدىق كٶرسەتتٸ – 6:1.
ەكٸنشٸ سەتتٸ ە.رىباكينا برەيكپەن باستاعانىمەن, ٶز گەيمٸن بەرٸپ قويدى – 1:1. ەسەپ قارسىلاسىنىڭ پايداسىندا 3:1 بولعاننان كەيٸن ە.رىباكينا بەسەكەنٸ جالعاستىرۋدان باس تارتتى.
ك.سينياكوۆا جٷلدە قورى 500 مىڭ اقش دوللارى بولاتىن دودانىڭ ەكٸنشٸ اينالىمىندا ەلەمنٸڭ 73-راكەتكاسى, شۆەيتسارييالىق ۆيكتورييا گولۋبيچپەن شەبەرلٸك بايقاسادى. ۆ.گولۋبيچتٸ نانچان تۋرنيرٸنٸڭ شيرەك فينالىندا ە.رىباكينا جەڭگەن بولاتىن.
ەسكە سالا كەتەيٸك, بۇدان بۇرىن زارينا ديياستىڭ وساكا جارىسىن جەڭٸسپەن باستاعانىن, يۋلييا پۋتينتسەۆانىڭ ەكٸنشٸ اينالىمعا شىققانىن, ميحايل كۋكۋشكيننٸڭ سانكت-پەتەربوردا سەتتٸ ٶنەر كٶرسەتكەنٸن جازعان بولاتىنبىز.
