قازاقستاننىڭ بٸرٸنشٸ, ەلەمنٸڭ 19-راكەتكاسى ەلەنا رىباكينا دۋباي WTA پرەمەر تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".
ە.رىباكينا جارتىلاي فينالدا ەلەمنٸڭ 15-راكەتكاسى, حورۆاتييالىق پەترا مارتيچپەن كەزدەستٸ.
بٸرٸنشٸ پارتييا بارىسىندا حورۆاتييالىق سپورتشى 4:2 ەسەبٸمەن العا كەتتٸ. دەگەنمەن ەلەنا تارازى باسىن تەڭەستٸرٸپ قانا قويماي, تاي-برەيكتە جەڭٸستٸ جۇلىپ الدى - 7:6 (7:5).
ەكٸنشٸ سەت تە دەل وسىلاي ٶربٸپ, مارتيچ العا كەتتٸ - 3:0. قازاقستاندىق تەننيسشٸ تاعى دا ەسەپتٸ تەڭەستٸرٸپ, تاي-برەيكتە ماتچ نٷكتەسٸن قويدى - 7:6 (7:2).
تارتىستى بەسەكە 2 ساعات 13 مينۋتقا سوزىلدى.
ە.رىباكينا جٷلدە قورى 3 ملن اقش دوللارىنا جۋىقتايتىن جارىستىڭ فينالىندا ەلەمنٸڭ 2-راكەتكاسى, رۋمىنييالىق سيمونا حالەپ نەمەسە رەيتينگتە 52-ورىندا تۇرعان امەريكالىق دجەننيفەر برەديدٸڭ بٸرەۋٸمەن باس جٷلدەنٸ ساراپقا سالادى.
قازاقستاندىق تەننيسشٸ بيىل وسىمەن تٶرتٸنشٸ رەت WTA دوداسىنىڭ فينالىنا شىعىپ وتىر. ول سونىڭ بٸرەۋٸندە جەڭٸسكە جەتتٸ. ەندٸ دۋبايدا ۇتىلعاننىڭ ٶزٸندە رەيتينگتە 17-ورىنعا كٶتەرٸلەدٸ.
ەسكە سالا كەتەيٸك, بۇدان بۇرىن ە.رىباكينانىڭ دۋباي تۋرنيرٸنٸڭ جارتىلاي فينالىنا شىققانىن جازعان بولاتىنبىز.
