قازاقستاندىق زارينا ديياس نوتتينگەم (ۇلىبريتانييا) WTA 250 تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 93-ٸنشٸ, وسى دودانىڭ 16-راكەتكاسى ز.ديياس جارىستى بٸردەن ەكٸنشٸ اينالىمنان باستاپ, دٷنيەجٷزٸلٸك رەيتينگٸدە 151-ورىندا تۇرعان اۋسترالييالىق ليزەتت كابرەرامەن كەزدەستٸ.
بٸرٸنشٸ پارتييادا برەيك جاساعان اۋسترالييالىق تەننيسشٸ سول باسىمدىعىنان ايىرىلعان جوق – 6:4.
ەكٸنشٸ سەتتە ەسەپ 1:1 بولعان مەزەتتە ل.كابرەرا تاعى بٸر برەيك جاساپ كەتتٸ. دەگەنمەن زارينا سول بويدا تارازى باسىن تەڭەستٸردٸ – 2:2. ەسەپ 4:3 بولعاندا, تاعى بٸر برەيككە قول جەتكٸزدٸ – 5:3. سودان كەيٸن سەتكە دوپ بەرگەندە, مٷمكٸندٸگٸن پايدالانا الدى – 6:3.
ٷشٸنشٸ, شەشۋشٸ پارتييادا ەسەپ 2:2 بولعان مەزەتتە قازاقستاندىق سپورتشى برەيك جاساپ, ٶز گەيمٸن دە الا بٸلدٸ – 4:2. اقىرى ماتچتى جەڭٸسپەن تٷيٸندەدٸ – 6:4. تارتىستى بەسەكە 2 ساعات 9 مينۋتقا سوزىلدى.
زارينا ديياس جٷلدە قورى 235 مىڭ اقش دوللارىنان اساتىن جارىستىڭ شيرەك فينالىنا شىعۋ ٷشٸن ەلەمنٸڭ 46-راكەتكاسى, قىتايلىق چجان شۋاي نەمەسە رەيتينگٸدە 169-ساتىداعى تاعى بٸر اۋسترالييالىق ارينا روديونوۆانىڭ بٸرەۋٸمەن تالاسادى.
تەننيسشٸلەر ٷشٸن ۋيمبلدون تۋرنيرٸ قارساڭىنداعى دايىندىق كەزەڭٸ بولىپ سانالاتىن نوتتينگەم دوداسى 13 ماۋسىمدا مەرەگە جەتەدٸ.
