تەننيس: زارينا ديياس اقش-تىڭ اشىق چەمپيوناتىندا ۇتىلىپ قالدى

قازاقستاندىق زارينا ديياس US Open تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى "ۇلت اقپارات".

دٷنيەجٷزٸلٸك رەيتينگٸدە 69-ورىندا تۇرعان زارينا ديياس امەريكالىق, ەلەمنٸڭ 61-راكەتكاسى بەرناردا پەرامەن كورتقا شىقتى.

قازاقستاندىق تەننيسشٸ بيىل 27-گە تولاتىن بولسا, قارسىلاسى ودان بٸر جاس كٸشٸ, شەبەرلٸك دەڭگەيلەرٸ دە شامالاس ەدٸ.

بٸرٸنشٸ پارتييادا زارينا 3:1 ەسەبٸمەن العا شىققانىمەن, سول باسىمدىلىعىن ۇستاپ تۇرا المادى. ٷش گەيمدٸ قاتار العان امەريكالىق 4:3 ەسەبٸمەن العا كەتكەنٸمەن, قازاقستاندىق تەننيسشٸ قايتا تەڭەستٸردٸ. برەيك الماسۋمەن بولعان تەننيسشٸلەر سەتتٸ تاي-برەيككە دەيٸن جەتكٸزدٸ, مۇندا ب.پەرانىڭ باعى جاندى – 7:6 (7:4).

ەكٸنشٸ سەتتە امەريكالىق سپورتشى بٸردەن العا شىقتى – 2:0. اقىرى ول بەت قاراتپادى – 6:0.

بەسەكە 1 ساعات 45 مينۋتقا سوزىلدى.

ب.پەرا جٷلدە قورى 53,4 ملن اقش دوللارىنا باعالانعان «ٷلكەن دۋلىعا» تۋرنيرٸنٸڭ ەكٸنشٸ اينالىمىندا ەلەمنٸڭ 22-ٸنشٸ, وسى جارىستىڭ 15-راكەتكاسى, گرەكييالىق مارييا ساككاريمەن نەمەسە رەيتينگتە 114-ساتىداعى شۆەيتسارييالىق ستەفاني فيوگەلمەن كەزدەسەدٸ.