تەننيس: تيموفەي سكاتوۆ الماتى تۋرنيرٸنٸڭ فينالىنا شىقتى

قازاقستاندىق تيموفەي سكاتوۆ الماتى چەللەندجەر تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".

دٷنيەجٷزٸلٸك رەيتينگتە 399-ورىندا تۇرعان 20 جاستاعى قازاقستاندىق تەننيسشٸ جارتىلاي فينالدا ٶزٸنٸڭ قۇرداسى, ەلەمنٸڭ 279-راكەتكاسى, تايبەيلٸك تسزەن تسزەنمەن شەبەرلٸك بايقاستى.

جاسٶسپٸرٸم كەزدەرٸندە ەكەۋٸ دە تابىستى ٶنەر كٶرسەتٸپ, ٶزارا بٸر رەت كەزدەسٸپ, وندا تايبەيلٸك تەننيسشٸ جەڭٸسكە جەتكەن ەكەن.

بٸرٸنشٸ پارتييادا سكاتوۆ باستاپ دوپ بەردٸ. تارتىستى گەيمدە قارسىلاسى بەس بٸردەي برەيك-پوينتتى پايدالانا المادى. ەسەسٸنە سوسىن قازاقستاندىق تەننيسشٸ قوس برەيك جاساپ, ەسەپتٸ 5:1-گە جەتكٸزدٸ. بۇدان كەيٸن تايبەيلٸك سپورتشى برەيك جاسادى. دەگەنمەن تيموفەي بۇل سەتتٸ تاعى بٸر برەيكپەن تەمامدادى – 6:2. 

ەكٸنشٸ سەتتە ەسەپ 2:1 بولعان مەزەتتە قازاقستاندىق سپورتشى برەيك جاساعانىمەن, قارسىلاسى سول بويدا ەسە قايىردى. ەسەپ 4:3 بولعاندا, سكاتوۆ تاعى بٸر برەيككە قول جەتكٸزدٸ. سوسىن ماتچقا دوپ بەرگەندە, ٶز مٷمكٸندٸگٸن جٸبەرگەن جوق – 6:3. 

بەسەكە 1 ساعات 31 مينۋتقا سوزىلدى.

سكاتوۆ فينالدا تاعى بٸر قازاقستاندىق دميتريي پوپكو نەمەسە بەلگييالىق زيزۋ بەرگستٸڭ بٸرەۋٸمەن باس جٷلدەنٸ ساراپقا سالادى.