ەيەلدەر تەننيسٸ قاۋىمداستىعى (WTA) جاڭارتىلعان رەيتينگٸنٸ جارييا ەتتٸ, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەنٸندەي, قازاقستاننىڭ بٸرٸنشٸ راكەتكاسى ەلەنا رىباكينا جەكەلەي رەيتينگٸدە 16-دان 17-ورىنعا سىرعىدى.
يۋلييا پۋتينتسەۆا دا 43-تەن 44-كە جايعاستى. ەسەسٸنە زارينا ديياس 108-دەن 104-ورىنعا كٶتەرٸلٸپ, ٷزدٸك جٷزدٸككە جاقىنداپ كەلەدٸ.
ٶتكەن اپتادا جۇپتىق سىندا رەسەيلٸك ۆەرونيكا كۋدەرمەتوۆامەن بٸرگە ينديان-ۋەللس تۋرنيرٸنٸڭ فينالىنا دەيٸن جەتكەن ەلەنا رىباكينا بٸردەن 47 ساتى جوعارىلاپ, قازٸر 48-ورىندا تۇر. اننا دانيلينا دا 84-تەن 81-گە كٶتەرٸلدٸ.
ەسكە سالا كەتەيٸك, بۇدان بۇرىن ەلەنا رىباكينانىڭ جۇپتىق سىندا ينديان-ۋەللس جارىسىنىڭ فينالىندا جەڭٸلٸپ قالعانىن, قازاقستاندىق تەننيسشٸلەردٸڭ مەسكەۋدە كرەمل كۋبوگىندا باق سىنايتىنىن جازعان بولاتىنبىز.
