قازاقستاننىڭ بٸرٸنشٸ, ەلەمنٸڭ 18-راكەتكاسى ەلەنا رىباكينا ريم WTA تۋرنيرٸن جەڭٸسپەن باستادى, دەپ حابارلايدى "ۇلت اقپارات".
قازاقستاندىق تەننيسشٸ باستاپقى كەزدەسۋٸن رەسەيدٸڭ بٸرٸنشٸ, ەلەمنٸڭ 31-راكەتكاسى ەكاتەرينا الەكساندروۆامەن ٶتكٸزدٸ.
ە.رىباكينا بيىل قىتايداعى شەنچجەن تۋرنيرٸنٸڭ فينالىندا جەنە اقش-تاعى تسينتسينناتي جارىسىنىڭ العاشقى اينالىمىندا ە.الەكساندروۆادان ۇتىلىپ قالعان ەدٸ.
بۇل جولى بەسەكە باسقاشا ٶربٸپ, ە.رىباكينا بٸرٸنشٸ سەتتە قارسىلاسىن تاس-تالقان ەتتٸ – 6:0. ەكٸنشٸسٸندە دە 6:4 ەسەبٸمەن مەسەلٸن قايىردى.
بار بولعانى 1 ساعات 1 مينۋتقا سوزىلعان ماتچتا وسى دودانىڭ 10-راكەتكاسى بولىپ تٸركەلگەن قازاقستاندىق تەننيسشٸ 6 برەيك جاساسا, رەسەيلٸك سپورتشى بٸر عانا برەيكپەن جاۋاپ قايىردى.
وسىلايشا بۇعان دەيٸن ە.الەكساندروۆادان ەكٸ مەرتە جەڭٸلٸس تاپقان ە.رىباكينا قارىمتا قايتارا الدى. ول ٷشٸنشٸ اينالىمعا شىعۋ ٷشٸن ەلەمنٸڭ 47-راكەتكاسى, چەحييالىق مارييا بوۋزكوۆا نەمەسە رەيتينگتە 63-ساتىداعى اۋسترالييالىق ايلا تومليانوۆيچتٸڭ بٸرەۋٸمەن تالاسادى.
تاعى بٸر قازاقستاندىق, ەلەمنٸڭ 30-راكەتكاسى يۋلييا پۋتينتسەۆا العاشقى اينالىمدا رەيتينگتە 49-ورىنداعى شۆەتسييالىق رەبەككا پەتەرسونمەن شەبەرلٸك بايقاسادى.
ەرلەر اراسىندا ميحايل كۋكۋشكين ريمدە ٸرٸكتەۋ سايىستارىنىڭ فينالىندا گەرمانييالىق دومينيك كيوپفەردەن 6:2, 4:6, 2:6 ەسەبٸمەن جەڭٸلٸپ, نەگٸزگٸ تۋرنيرگە ٶتە الماي قالدى.
ال ەلەمنٸڭ 54-راكەتكاسى الەكساندر بۋبليك العاشقى اينالىمدا رەيتينگتە 38-ورىنداعى US Open تۋرنيرٸنٸڭ 2014 جىلعى چەمپيونى, حورۆاتييالىق مارين چيليچپەن كورتقا شىعادى.
