قازاقستاندىق يۋلييا پۋتينتسەۆا نيۋ-يوركتا ٶتٸپ جاتقان تسينتسينناتي WTA تۋرنيرٸنٸڭ ٷشٸنشٸ اينالىمىنا شىعا المادى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 33-ورىندا تۇرعان يۋ.پۋتينتسەۆا ەكٸنشٸ كەزدەسۋٸن ەلەمنٸڭ 21-ٸنشٸ, وسى دودانىڭ 13-راكەتكاسى, گرەكييالىق مارييا ساككاريمەن ٶتكٸزدٸ.
قارسىلاستاردىڭ ەكەۋٸ دە بٸر جىلدىڭ تٶلٸ, 25 جاستا.
بٸرٸنشٸ پارتييادا ەسەپ 5:4 بولعان مەزەتتە گرەكييالىق سپورتشى برەيك جاساپ, سەتتٸ ٶز پايداسىنا شەشتٸ – 6:4.
ەكٸنشٸ سەتتە دە م.ساككاري برەيكپەن العا شىقتى – 3:1. دەگەنمەن قازاقستاندىق تەننيسشٸ قايىرا برەيك جاساپ, ٶز گەيمٸن دە جٸبەرمەي, تارازى باسىن تەڭەستٸرە الدى – 3:3. اقىرى مەسەلە تاي-برەيكتە شەشٸلدٸ. وندا باستاپقىدا يۋلييا 3:0-مەن العا شىققانىمەن, مارييا ەسەپتٸ تەڭەستٸردٸ. سوسىن ەسەپ 6:5 بولعاندا, ماتچبولىن پايدالانا المادى. قازاقستاندىق تەننيسشٸ دە سەتبولىن مٷلت جٸبەردٸ. بۇدان كەيٸن گرەكييالىق سپورتشى ماتچتى سەتتٸ تەمامداي الدى – 7:6 (11:9).
تارتىستى بەسەكە 1 ساعات 44 مينۋتقا سوزىلدى.
م.ساككاري جٷلدە قورى 2,2 ملن اقش دوللارىنان اساتىن جارىستىڭ شيرەك فينالىنا شىعۋ ٷشٸن ەلەمنٸڭ بۇرىنعى بٸرٸنشٸ, قازٸرگٸ 9-راكەتكاسى, امەريكالىق سەرەنا ۋيليامس نەمەسە نيدەرلاندى ٶكٸلٸ ارانچا رۋستىڭ بٸرەۋٸمەن تالاسادى.
