قازاقستاندىق يۋلييا پۋتينتسەۆا سانكت-پەتەربۋرگ WTA تۋرنيرٸندە ۇتىلىپ قالدى, دەپ حابارلايدى "ۇلت اقپارات".
ەلەمنٸڭ 34-راكەتكاسى يۋ.پۋتينتسەۆا العاشقى اينالىمدا رەيتينگتە ٶزٸنەن تٶرت ساتى تٶمەن تۇرعان رەسەيلٸك ۆەرونيكا كۋدەرمەتوۆامەن كەزدەستٸ.
بٸرٸنشٸ پارتييا تاي-برەيككە دەيٸن سوزىلىپ, وندا كۋدەرمەتوۆانىڭ جولى بولدى – 7:6 (7:4).
ەسەسٸنە ەكٸنشٸ سەتتە پۋتينتسەۆا بەت قاراتپادى – 6:1. الايدا ول وسى قارقىنىن شەشۋشٸ پارتييادا ساقتاي المادى. ەسەپ 5:6 بولعان مەزەتتە دوپ بەرگەن قازاقستاندىق تەننيسشٸ قاتەلٸككە بوي الدىرىپ, قارسىلاسى برەيك جاساپ كەتتٸ – 5:7.
تارتىستى بەسەكە 2 ساعات 36 مينۋتقا سوزىلدى.
ماتچ بارىسىندا كۋدەرمەتوۆا 7 ەيس جاساپ, 8 برەيك-پوينتتىڭ بەسەۋٸن پايدالانا بٸلدٸ. بٸر عانا رەت ەيس جاساعان پۋتينتسەۆا 16 برەيك-پوينتتىڭ التاۋىن عانا ٶز ەسەبٸنە جازا الدى.
كەلەسٸ اينالىمدا ۆ.كۋدەرمەتوۆا ەلەمنٸڭ 8-ٸنشٸ, وسى جارىستىڭ ەكٸنشٸ راكەتكاسى, نيدەرلاندى ٶكٸلٸ كيكي بەرتەنسپەن كٷش سىناسادى. ٶتكەن جىلعى تۋرنيردە دەل وسى ك.بەرتەنس جەڭٸمپاز اتانعان بولاتىن.
ەسكە سالا كەتەيٸك, بۇدان بۇرىن ەلەنا رىباكينانىڭ سانكت-پەتەربۋرگ تۋرنيرٸن جەڭٸسپەن باستاپ, الەكساندر بۋبليكتٸڭ روتتەردام جارىسىنىڭ ەكٸنشٸ اينالىمىنا شىققانىن جازعان بولاتىنبىز.
ە.رىباكينانىڭ ەكٸنشٸ اينالىمداعى قارسىلاسى بٷگٸن انىقتالادى. قازاقستاندىق سپورتشى قوس فرانتسييالىق كارولين گارسييا مەن فيونا فەررونىڭ قاي جەڭگەنٸمەن كەزدەسەدٸ. ف.فەررو جارىسقا قاتىسۋدان باس تارتقان لاتۆييالىق اناستاسييا سەۆاستوۆانى اۋىستىردى.
