قازاقستاننىڭ ەكٸنشٸ, ەلەمنٸڭ 47-راكەتكاسى يۋلييا پۋتينتسەۆا Astana Open WTA 250 تۋرنيرٸنٸڭ فينالىنا شىقتى, دەپ حابارلايدى قازاقپارات.
جارىستىڭ بٸرٸنشٸ راكەتكاسى بولىپ تٸركەلگەن يۋ.پۋتينتسەۆا جارتىلاي فينالدا ەلەمنٸڭ 86-راكەتكاسى, شۆەتسييالىق رەبەككا پەتەرسونمەن شەبەرلٸك بايقاستى.
ر.پەتەرسون وسى دودا بارىسىندا تاعى بٸر قازاقستاندىق زارينا ديياستان ايلاسىن اسىرىپ كەتكەن بولاتىن.
بۇل جولى بٸرٸنشٸ پارتييادا يۋلييانىڭ باسىمدىلىعى ايقىن بايقالدى – 6:2.
يۋ.پۋتينتسەۆا ەكٸنشٸ سەتتە دە 3:1 ەسەبٸمەن العا كەتتٸ. تاعى بٸر برەيك – 4:1. ماتچقا دوپ بەرگەندە, پەتەرسون برەيك جاساپ, ەسەپتٸ قىسقارتتى – 3:5.
دەگەنمەن قازاقستاندىق تەننيسشٸ ماتچتى جەڭٸسپەن تٷيٸندەي بٸلدٸ – 6:4
يۋ.پۋتينتسەۆا فينالدا ەلەمنٸڭ 89-ىنشى, وسى دودانىڭ ەكٸنشٸ راكەتكاسى, بەلگييالىق ەليسون ۆان ەيتۆانكپەن باس جٷلدەنٸ ساراپقا سالادى.
ول جارتىلاي فينالدا دٷنيەجٷزٸلٸك رەيتينگتە 126-ورىندا تۇرعان رۋمىنييالىق جاكلين كريستياندى 6:3, 6:3 ەسەبٸمەن تٸزە بٷكتٸردٸ.
وسىلايشا جٷلدە قورى 235 مىڭ اقش دوللارىنان اساتىن Astana Open تۋرنيرٸنٸڭ العاشقى چەمپيونى بەلگٸلٸ بولماق.
