قازاقستاندىق تەننيسشٸ يۋلييا پۋتينتسەۆا اقش-تاعى لەكسينگتون تۋرنيرٸندە باق سىنايدى, دەپ حابارلايدى "ۇلت اقپارات".
قازٸرگٸ كەزدە ٸرٸكتەۋ سايىستارى ٶتٸپ جاتقان اتالمىش WTA جارىسىنىڭ جٷلدە قورى 200 مىڭ اقش دوللارىنان اسادى.
ەلەمنٸڭ 33-راكەتكاسى يۋ.پۋتينتسەۆا العاشقى اينالىمدا رەيتينگتە 56-ساتىدا تۇرعان اۋسترالييالىق ايلا تومليانوۆيچپەن شەبەرلٸك بايقاسادى.
ەلەمنٸڭ بۇرىنعى بٸرٸنشٸ راكەتكاسى, اتاقتى امەريكالىق سەرەنا ۋيليامس باستاعان تەننيسشٸلەر قاتىساتىن دودا 16 تامىزدا مەرەگە جەتەدٸ.
بۇل كوروناۆيرۋس ٸندەتٸنە بايلانىستى ورىن العان ٷزٸلٸستەن كەيٸن قازاقستاندىق تەننيسشٸ قاتىساتىن بٸرٸنشٸ جارىس بولماق. ول ەرٸ بيىل 31 تامىزدا باستالاتىن اقش-تىڭ اشىق چەمپيوناتىنا دايىندىق بولىپ ەسەپتەلەدٸ.
