قازاقستاندىق الەكساندر نەدوۆەسوۆ جۇپتىق سىندا كيەۆ چەللەندجەر تۋرنيرٸنٸڭ جەڭٸمپازى اتاندى, دەپ حابارلايدى قازاقپارات.
قازاقستاندىق تەننيسشٸ برازيلييالىق ورلاندو لۋجبەن بٸرگە فينالدا ۋكراينالىقتار دەنيس مولچانوۆ - سەرگەي ستاحوۆسكييمەن كٷش سىناستى.
قازاقستاندىق-برازيلييالىق جۇپ 6:4, 6:4 ەسەبٸمەن جەڭٸسكە جەتتٸ.
ولار بٸر ساعاتتان استام ۋاقىتقا سوزىلعان ماتچتا 3 ەيس جاساپ, 11 برەيك-پوينتتىڭ ٷشەۋٸن پايدالانا بٸلدٸ. قارسىلاستارى 1 ەيس, 1 برەيكپەن (9 برەيك-پوينت) شەكتەلدٸ.
وسىلايشا نەدوۆەسوۆ جۇپتىق سىندا ٶز سپورتتىق جولىنداعى 22-ٸنشٸ, بيىلعى ماۋسىمداعى جەتٸنشٸ تيتۋلىنا قول جەتكٸزدٸ.
