قازاقستاندىق ميحايل كۋكۋشكين Astana Open ATP 250 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 91-ورىندا تۇرعان م.كۋكۋشكين ەلەمنٸڭ 76-راكەتاسى, ارگەنتينالىق فەدەريكو دەلبونيسپەن كورتقا شىقتى.
ٶز ەلٸنٸڭ قۇراماسى ساپىندا دەۆيس كۋبوگىنىڭ جەڭٸمپازى اتانعان ف.دەلبونيس وعان قوسا ATP تۋرنيرلەرٸندە ەكٸ مەرتە توپ جارعان-دى. ال م.كۋكۋشكيننٸڭ 2010 جىلى سانكت-پەتەربۋرگ جارىسىندا ٷزدٸك شىققانى بەلگٸلٸ.
بٸرٸنشٸ پارتييادا ەسەپ 2:1 بولعان مەزەتتە ارگەنتينالىق تەننيسشٸ برەيككە قول جەتكٸزدٸ – 3:1. بۇدان كەيٸن م.كۋكۋشكين برەيك جاساعانىمەن, قارسىلاسى سول بويدا ەسە قايىردى. ەسەپ 5:3 بولىپ, ف.دەلبونيس سەتكە دوپ بەرگەندە, قازاقستاندىق سپورتشى برەيك جاساپ, سوسىن تارازى باسىن تەڭەستٸردٸ. الايدا تاي-برەيكتە دەلبونيس سەتتٸ ويناي بٸلدٸ – 7:6 (7:5).
ەكٸنشٸ سەتتە ەسەپ 3:2 بولعاندا, م.كۋكۋشكين برەيك جاساپ, سول باسىمدىلىعىن ساقتاي الدى – 6:3.
ٷشٸنشٸ, شەشۋشٸ پارتييادا قوس برەيك جاساعان قازاقستاندىق تەننيسشٸ ەسەپتٸ 5:1-گە جەتكٸزدٸ. سودان كەيٸن ٷشٸنشٸ ماتچبولىن پايدالانا بٸلدٸ – 6:2.
تارتىستى ٶتكەن بەسەكە 2 ساعات 32 مينۋتقا سوزىلدى.
م.كۋكۋشكين ەكٸنشٸ اينالىمدا ەلەمنٸڭ 28-ٸنشٸ, وسى دودانىڭ 1-راكەتكاسى, فرانتسييالىق بەنۋا پەرمەن كەزدەسەدٸ.
