قازاقستاندىق ەلەنا رىباكينا حوبارت (اۋسترالييا) WTA تۋرنيرٸنٸڭ جەڭٸمپازى اتاندى, - دەپ حابارلايدى قازاقپارات.
قازاقستاننىڭ بٸرٸنشٸ, ەلەمنٸڭ 30-راكەتكاسى ە.رىباكينا فينالدا دٷنيەجٷزٸلٸك رەيتينگتە 40-ساتىدا تۇرعان قىتايلىق چجان شۋايمەن كٷش سىناستى.
قازاقستاندىق تەننيسشٸ نەبەرٸ 20 جاستا بولسا, جۋىردا 31-گە تولاتىن چ.شۋاي بۇدان بۇرىن گۋانچجوۋ تۋرنيرٸندە ەكٸ مەرتە توپ جارعان تەجٸريبەلٸ سپورتشى ەدٸ. ال ە.رىباكينا ٶتكەن جىلى بۋحارەست جارىسىنىڭ جەڭٸمپازى اتانعان بولاتىن.
تارتىستى ٶربٸگەن بٸرٸنشٸ پارتييا تاي-برەيككە دەيٸن جەتٸپ, وندا قازاقستاندىق تەننيسشٸ باسىم تٷستٸ – 7:6 (9:7).
ەكٸنشٸ سەتتە ەسەپ 3:3 بولعان مەزەتتە ە.رىباكينا برەيك جاساي بٸلدٸ. قازاقستاندىق تەننيستٸ ماتچتى تاعى بٸر برەيكپەن بٸتٸردٸ – 6:3.
بەسەكە ساعات جارىمعا سوزىلدى.
سٶيتٸپ ە.رىباكينا سپورتتىق جولىندا WTA دوداسىندا ەكٸنشٸ رەت توپ جاردى.
بۇل ەلەنا رىباكينانىڭ بيىلعى جىلعى ەكٸنشٸ فينالى ەدٸ. بۇدان بۇرىن قىتايداعى شەنچجەن WTA تۋرنيرٸنٸڭ فينالىندا رەسەيلٸك ەكاتەرينا الەكساندروۆادان ۇتىلىپ قالعان بولاتىن.
وسىلايشا ەكٸ اپتا بويى تابىستى ٶنەر كٶرسەتۋٸنٸڭ ارقاسىندا ە.رىباكينا الداعى دٷيسەنبٸدە جاڭارتىلاتىن رەيتينگتە 26-ورىنعا كٶتەرٸلەدٸ. ەندٸ ول 20 قاڭتاردا باستالاتىن اۋسترالييا اشىق چەمپيوناتىندا ٶنەر كٶرسەتەدٸ. العاشقى قارسىلاسى – ەلەمنٸڭ 70-راكەتكاسى, امەريكالىق بەرناردا پەرا.
ەسكە سالا كەتەيٸك, بۇدان بۇرىن دميتريي پوپكونىڭ اۋسترالييا چەمپيوناتىندا ٸرٸكتەۋ سايىستارىنىڭ, ە.رىباكينانىڭ حوبارت تۋرنيرٸنٸڭ فينالىنا شىققانىن جازعان بولاتىنبىز.
