Qazaqstandyq Elena Rybakina Hobart (Aýstraliia) WTA týrniriniń jeńimpazy atandy, - dep habarlaidy QazAqparat.
Qazaqstannyń birinshi, álemniń 30-raketkasy E.Rybakina finalda dúniejúzilik reitingte 40-satyda turǵan qytailyq Chjan Shýaimen kúsh synasty.
Qazaqstandyq tennisshi nebári 20 jasta bolsa, jýyrda 31-ge tolatyn Ch.Shýai budan buryn Gýanchjoý týrnirinde eki márte top jarǵan tájiribeli sportshy edi. Al E.Rybakina ótken jyly Býharest jarysynyń jeńimpazy atanǵan bolatyn.
Tartysty órbigen birinshi partiia tai-breikke deiin jetip, onda qazaqstandyq tennisshi basym tústi – 7:6 (9:7).
Ekinshi sette esep 3:3 bolǵan mezette E.Rybakina breik jasai bildi. Qazaqstandyq tennisti matchty taǵy bir breikpen bitirdi – 6:3.
Báseke saǵat jarymǵa sozyldy.
Sóitip E.Rybakina sporttyq jolynda WTA dodasynda ekinshi ret top jardy.
Bul Elena Rybakinanyń biylǵy jylǵy ekinshi finaly edi. Budan buryn Qytaidaǵy Shenchjen WTA týrniriniń finalynda reseilik Ekaterina Aleksandrovadan utylyp qalǵan bolatyn.
Osylaisha eki apta boiy tabysty óner kórsetýiniń arqasynda E.Rybakina aldaǵy dúisenbide jańartylatyn reitingte 26-orynǵa kóteriledi. Endi ol 20 qańtarda bastalatyn Aýstraliia ashyq chempionatynda óner kórsetedi. Alǵashqy qarsylasy – álemniń 70-raketkasy, amerikalyq Bernarda Pera.
Eske sala keteiik, budan buryn Dmitrii Popkonyń Aýstraliia chempionatynda irikteý saiystarynyń, E.Rybakinanyń Hobart týrniriniń finalyna shyqqanyn jazǵan bolatynbyz.
