قازاقستاننىڭ بٸرٸنشٸ, ەلەمنٸڭ 39-راكەتكاسى الەكساندر بۋبليك يستبۋرن (ۇلىبريتانييا) ATP 250 تۋرنيرٸن جەڭٸسپەن باستادى, دەپ حابارلايدى "ۇلت اقپارات".
بۋبليك العاشقى اينالىمدا نەگٸزگٸ دوداعا ٸرٸكتەۋ سايىستارىنان كەيٸن قوسىلعان وتانداسى, دٷنيەجٷزٸلٸك رەيتينگتە 106-ورىندا تۇرعان ميحايل كۋكۋشكينمەن كەزدەستٸ.
بۇعان دەيٸن قارسىلاستار بٸر-اق رەت شەبەرلٸك بايقاسىپ, وندا كۋكۋشكيننٸڭ مەرەيٸ ٷستەم بولعان ەكەن.
بۇل جولى بۋبليك ويىن تٸزگٸنٸن بٸردەن قولىنا الىپ, 6:1, 6:4 ەسەبٸمەن جەڭٸسكە جەتتٸ.
بٸر ساعاتقا جۋىق ۋاقىتقا سوزىلعان ماتچتا بۋبليك 18 ەيس, 4 برەيك جاسادى. قارسىلاسى بٸر برەيككە عانا قول جەتكٸزدٸ.
بۋبليك شيرەك فينالعا شىعۋ ٷشٸن ەلەمنٸڭ 72-راكەتكاسى, بەلارۋس ٶكٸلٸ ەگور گەراسيموۆپەن تالاسادى.
تاعى بٸر قازاقستاندىق دميتريي پوپكو ۋيمبلدون تۋرنيرٸنٸڭ ٸرٸكتەۋ سايىسىندا لاتۆييالىق ەرنەست گۋلبيستەن 3:6, 7:5, 4:6 ەسەبٸمەن جەڭٸلٸپ قالدى.
