قازاقستاننىڭ بٸرٸنشٸ, ەلەمنٸڭ 49-راكەتكاسى الەكساندر بۋبليك Astana Open ATP 250 تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى "ۇلت اقپارات".
دودانىڭ 6-راكەتكاسى بولىپ تٸركەلگەن ا.بۋبليك العاشقى اينالىمدا رەيتينگٸدە 209-ورىندا تۇرعان امەريكالىق ماككەنزي ماكدونالدپەن شەبەرلٸك بايقاستى.
بۇل تەننيسشٸلەردٸڭ وسى ايداعى ەكٸنشٸ كەزدەسۋٸ ەدٸ. بۇدان بۇرىن بيىل 23-كە تولعان ا.بۋبليك سانكت-پەتەربۋرگ جارىسىنىڭ بٸرٸنشٸ اينالىمىندا ٶزٸنەن ەكٸ جاس ٷلكەن قارسىلاسىن 2:6, 7:6 (7:2), 6:4 ەسەبٸمەن ۇتقان-دى.
بۇل جولى بٸرٸنشٸ پارتييادا قازاقستاندىق تەننيسشٸ برەيك جاساپ, 2:1 ەسەبٸمەن العا شىققانىمەن, سول قارقىنىن جالعاستىرا الماي, ەسە جٸبەردٸ – 3:6.
ەكٸنشٸ سەت امەريكالىق سپورتشىنىڭ ايقىن باسىمدىلىعىمەن ٶتتٸ – 6:2.
ماتچ بارىسىندا سىلبىر قيمىلداعان ا.بۋبليك قاتەلٸككە جيٸ بوي الدىردى. سٶيتٸپ ٷمٸتتٸ اقتامادى.
بەسەكە 1 ساعات 12 مينۋتقا سوزىلدى.
امەريكالىق تەننيسشٸ شيرەك فينالعا شىعۋ ٷشٸن جارىسقا ارنايى شاقىرتۋ ارقىلى قوسىلعان, رەيتينگٸدە 103-ساتىداعى يتالييالىق اندرەاس سەپپيمەن تالاسادى. ول العاشقى اينالىمدا رەسەيلٸك اسلان كاراتسەۆتٸ 6:3, 1:6, 6:3 ەسەبٸمەن جولدان تايدىردى.
وسىلايشا ٶز ەلٸمٸزدە العاش رەت ٶتٸپ جاتقان ATP 250 تۋرنيرٸندە جەكەلەي سىندا قازاقستاننان ميحايل كۋكۋشكين عانا قالدى.
